MNP ၊ ဧပြီ ၁၂
မြန်မာလူမျိူးတို့၏ နေ့ထူးရက်မြတ်ဖြစ်သော မဟာသင်္ကြန်ရက်အတွင်း အများပြည်သူ အလုပ်ပိတ်ရက်ရက်ရှည်ကာလတွင်တရားစခန်းများ၌ တရားဘာဝနာများ ဝိပသနာတရားများကို အေးချမ်းစွာကုသိုလ်ပြုတရား အားထုတ်လိုသည့် ယောဂီများအတွက် ဆယ်ရက်တရားစခန်း ဖြစ်သည့် မွန်ပြည်နယ်၊ မော်လမြိုင်ခရိုင်၊ သံဖြူဇရပ်မြို့နယ် အောင်ဇေယျရပ်ကွက် သန္တိသုခဘုန်းတော်ကြီးကျောင်းရှိ တရားစခန်းကို ဧပြီ ၈ ရက်နေ့မှစ၍ ဖွင့်လှစ်လျက်ရှိကြောင်း သိရသည်။
အဆိုပါဘုန်းတော်ကြီးကျောင်း၌သင်္ကြန်အတွင်း တရားစခန်းများကို နှစ်စဥ်ကျင်းပလျက်ရှိရာ ယခုနှစ်တွင် (၄၀)ကြိမ်မြောက် သင်္ကြန်တွင်းဝိပဿနာတရားစခန်းကိုမြန်မာနှစ်ဆန်း တစ်ရက်နေ့အထိ ဆယ်ရက်တရားစခန်းများအဖြစ် တရားအားထုတ်နိုင်ရန် နှစ်စဥ် ဖွင့်လှစ်ပေးလျက်ရှိပြီးယခုနှစ်တွင် တရားစခန်းဝင်သူအမျိုးသား ယောဂီ(၁၆)ဦး အမျိုးသမီးယောဂီ(၈၅)ဦး စုစုပေါင်း(၁၀၁)ဦး တရားအားထုတ်ရန် ရောက်ရှိနေပြီးဖြစ်ကြောင်း တရားစခန်းရှိ တာဝန်ရှိသူ ဦးငွေအိမ်ထံမှသိရသည်။
ယခုနှစ်တွင် မြို့နယ်အတွင်း အချို့သောဘုန်းတော်ကြီးကျောင်းများတွင်လည်း တရားစခန်းများ အသီးသီးဖွင့်လှစ်ပြီး တရားဘာဝနာကျင့်ကြံအားထုတ်သူများလည်းရှိကြောင်း သိရသည်။
https://t.me/MyanmarNationalPost
No comments:
Post a Comment