MNP ၊ ဧပြီ ၁၂
ရှမ်းပြည်နယ်(အရှေ့ပိုင်း)၊ မိုင်းယောင်းခရိုင်၊ မိုင်းယောင်းမြို့နယ် မြန်မာ့ရိုးရာယဉ်ကျေးမှု မဟာသင်္ကြန်ဗဟိုမဏ္ဍပ် ဖွင့်ပွဲအခမ်းအနားအတွက် အစမ်းလေ့ကျင့်ခြင်းကို ယနေ့နံနက်ပိုင်းက အမှတ်(၂)ရပ်ကွက်ရှိ အဆိုပါမဏ္ဍပ်၌ ကျင်းပသည်။
ရှေးဦးစွာ ဖွင့်ပွဲအခမ်းအနားအစီအစဉ်တွင် ပါဝင်သူများက သတ်မှတ်နေရာ အသီးသီးတွင် နေရာယူကြပြီး ဖွင့်ပွဲအစီအစဉ်တွင် ပါဝင်သည့် ဖဲကြိုးဖြတ်ဖွင့်လှစ်ခြင်း စသည်တို့ကို လေ့ကျင့်ဆောင်ရွက်ကြသည်။
ထို့အပြင် ခစဖ/မစဖယိမ်းအဖွဲ့များ၊ ဌာနဆိုင်ရာယိမ်းအဖွဲ့များ၊ ပညာရေးယိမ်းအဖွဲ့များ၊ ရပ်ကွက်/ကျေးရွာယိမ်းအဖွဲ့များနှင့် လူမှုရေးအသင်းအဖွဲ့ယိမ်းအဖွဲ့များတို့က ဖွင့်ပွဲသီချင်းဖြစ်သည့် “သင်္ကြန်မိုး”သီချင်းဖြင့် သံပြိုင်တီးမှုတ် ကပြဖျော်ဖြေခြင်းများကို အစမ်းလေ့ကျင့်ဆောင်ရွက်ကြကြောင်း သိရသည်။
စိုင်းအောင်ဇော်လင်း
https://t.me/MyanmarNationalPost
No comments:
Post a Comment