MNP ၊ မေ ၁၈
ကချင်ပြည်နယ်၊ ဗန်းမော်မြို့တွင် မြို့နယ်အားကစားနှင့်ကာယပညာဦးစီးဌာနမှ ဖွင့်လှစ်သည့် ၂၀၂၃ ခုနှစ် နွေရာသီ စားပွဲတင် တင်းနစ်နှင့် လက်ဝှေ့သင်တန်းဆင်းပွဲအခမ်းအနားကို မေ ၁၈ ရက် နံနက် ၉ နာရီက ခရိုင်အားကစားခန်းမ၌ ပြုလုပ်ခဲ့ကြောင်း သိရသည်။
ရှေးဦးစွာ ဒုတိယမြို့နယ်အုပ်ချုပ်ရေးမှူး ဦးအောင်ကိုကိုလင်း က အမှာစကားပြောကြားခဲ့ပြီး စားပွဲတင်တင်းနစ်သင်တန်းသားသင်တန်းသူများနှင့် လက်ဝှေ့သင်တန်းသားသင်တန်းသူများက သရုပ်ပြသခဲ့ကြသည်။
ယင်းနောက် အလှူရှင်များ၊ သင်တန်းနည်းပြများအား ဂုဏ်ပြုမှတ်တမ်းလွှာများ ပေးအပ်ခဲ့ပြီး သင်တန်းသားသင်တန်းသူများအား သင်တန်းဆင်းလက်မှတ်ပေးအပ်ခဲ့ကြသည်။
အဆိုပါသင်တန်းကို မေ ၉ ရက်နေ့က စတင်ဖွင့်လှစ်ခဲ့ပြီး စားပွဲတင်တင်းနစ်သင်တန်းတွင် (၃၈)ဦးနှင့် လက်ဝှေ့သင်တန်းတွင် (၄၈)ဦး တက်ရောက်သင်ကြားခဲ့ကြောင်း သိရသည်။
https://t.me/MyanmarNationalPost
No comments:
Post a Comment