MNP ၊ မေ ၁၆
ရခိုင်ပြည်နယ် မာန်အောင်မြို့နယ်အတွင်းမေလ၁၄ရက်နေ့နံနက်ပိုင်းက အင်အားပြင်းဆိုင်ကလုန်းမုန်တိုင်းမိုခါသည်အရှေ့တောင်အရပ်မှ(၁)နာရီလျှင် လေတိုက်နှုန်းမိုင်(၆၀)နှုန်းဖြင့်တိုက်ခတ်ခဲ့ကာမိုးရေချိန်လက်မ
၀•၀၆လက်မရွာသွန်းခဲ့ကြောင်း မာန်အောင်မြို့နယ် မိုးလေဝသစခန်းမှ နံနက်၈နာရီခွဲ မြေပြင်မိုးလေဝသ တိုင်းတာချက်အရသိရသည်။
အဆိုပါမုန်တိုင်းတိုက်ခတ်မှုကြောင့် မာန်အောင်မြို့နယ်အတွင်းရှိ လူနေအိမ်(၁၃၄)လုံး၊ဘုန်းကြီးကျောင်း(၂၃)ကျောင်း၊ဓမ္မာရုံ(၃)ရုံ၊စာသင်ကျောင်း(၃၀)ကျောင်း၊ဌာနဆိုင်ရာအဆောက်အဦ( ၅)လုံး၊ကျေးလက်ဆေးပေးခန်း(၉)ခန်း၊ဇရပ်(၃)ဆောင် စသည်တို့တွင် အမိုးလန်ခြင်း၊ပြိုကျခြင်း၊အိမ်အပေါ်သစ်ပင်လဲကျပျက်စီးခြင်းများဖြစ်ပြီးကွန်ဂရက်မီးတိုင်(၇)တိုင်မှာ ကျိုးကျပျက်စီးခဲ့ရာ စုစုပေါင်း ပျက်စီးဆုံးရှုံးမှု တန်ဖိုးငွေကျပ်(၁၇၅.၇၆၈၆))သန်းဖြစ်ကြောင်းနှင့် မုန်တိုင်းဒဏ်ကြောင့် နွားတစ်ကောင်သေဆုံးပြီးလူများ ထိခိုက်မှု မရှိကြောင်း မြို့နယ်အထွေထွေအုပ်ချုပ်ရေးဦးစီးဌာန စာရင်းအရ သိ ရသည်။
ဦးသိန်းဖေ
https://t.me/MyanmarNationalPost
No comments:
Post a Comment