MNP ၊ မေ ၁၂
ရခိုင်ပြည်နယ်၊ ဂွမြို့နယ်တွင်ရခိုင်ပြည်နယ်အစိုးရနှင့် မြို့နယ်စီမံအုပ်ချုပ်ရေးအဖွဲ့၏ အစီအစဉ်ဖြင့် မုန်တိုင်းခိုလှုံရာနေရာများရှိ ပြည်သူများအတွက် စာနပ်ရိက္ခာများ ထောက်ပံ့ပေးအပ်ခြင်းကို ယနေ့ညနေပိုင်းက မြို့မရပ်ကွက်နှင့် ရဟိုင်ကူးတို့ကျေးရွာများတွင် ဆောင်ရွက်ခဲ့သည်။
ထိုသို့ဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးဇာနည်ကျော်နှင့် မြို့နယ်စီမံအုပ်ချုပ်ရေးအဖွဲ့ဝင်များ၊မြိုနယ်အဆင့်ဌာနဆိုင်ရာတာဝန်ရှိသူများက မြို့မရပ်ကွက်ရှိ ကမ်းခြေဦးနှင့် ရဟိုင်ကူးတို့ ကျေးရွာရှိ ကမ်းခြေအနီး နေထိုင်သူများက စာသင်ကျောင်းများတွင် မုန်တိုင်းခိုလှုံ နေထိုင်ကြစဥ် ကာလအတွင်း ပြည်သူများ စားရေရိက္ခာ ဖူလုံစေရေးအတွက် ဆန်(၂၀)အိတ်၊ ၅ဂါလံ ဝင်ဆီပုံး(၂၀)ပုံးနှင့် ရေသန့်ဘူးကြီး(၁၀)ဘူးတို့အား ထောက်ပံ့ပေးအပ်ခဲ့ပြီး ပြည်သူများအား မုန်တိုင်းအန္တရာယ်မှ ကင်းဝေးစေရေး ကြိုတင်ကာကွယ်နေထိုင်နည်းများကို အသိပညာပေး ပြောကြားခဲ့ကြောင်း သိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment