MNP ၊ မေ ၁၂
ရခိုင်ပြည်နယ် မာန်အောင်မြို့နယ်၌ အနီရောင်အဆင့်မုန်တိုင်းသတိပေးချက်ကို ယနေ့ ညနေ ၅နာရီ အချိန်က မြို့ပေါ်ရပ်ကွက်များနှင့် ကျေးရွာများတွင် အသိပေးကြေညာခဲ့ကြောင်း သိရသည်။
ထိုသို့ အသိပေးကြေညာရာတွင် မြို့နယ်မီးသတ်ဦးစီးဌာန ဝန်ထမ်းများက ဘင်္ဂလားပင်လယ်အော်အရှေ့တောင်ပိုင်းတွင်ဖြစ်ပေါ်နေသော ဆိုင်ကလုန်းမုန်တိုင်း မိုခါသည် ဘင်္ဂလားဒေ့ရှ်၊မြန်မာကမ်းရိုးတန်းသို့ဦးတည်ရွှေ့လျားနိုင်သည့် အခြေအနေရှိသဖြင့် အနီရောင်အဆင့်သတ်မှတ်ပါသည်။
အဆိုပါမုန်တိုင်းသည် အားအလွန်ကောင်းသော မုန်တိုင်းအဖြစ်ဖြင့်မြောက်အရှေ့မြောက်ဘက်သို့တဖြည်းဖြည်းရွှေ့လျားကာဘင်္ဂလားဒေ့ရှ်နိုင်ငံ၊ကော့ဘဇားမြို့နှင့်မြန်မာနိုင်ငံကျောက်ဖြူမြို့ အကြားဖြတ်ကျော်ဝင်ရောက်မည်ဟု ခန်းမှန်းရပါသည်။
သို့ဖြစ်ပါ၍မြို့ပေါ်ရပ်ကွက်နှင့်ကျေးရွာများအတွင်းရှိသက်ကြီးရွယ်အိုများ၊နာမကျန်းဖြစ်နေသူများ၊ကိုယ်ဝန်ဆောင်အမျိုးသမီးများ၊ကလေးသူငယ်များနှင့်မိခင်များ အနေဖြင့် မိမိတို့နှင့်နီးစပ်ရာ ဆိုင်ကလုန်းချာတာ၊စာသင်ကျောင်း၊ဘုန်းကြီးကျောင်းများသို့ အမြန်ဆုံးရွှေ့ပြောင်းနေထိုင်ကြရန်နှင့် အနီရောင်အဆင့် သတိပေးချက်အဖြစ်ဥသြဆွဲ အသိပေးကြေညာခဲ့ ကြောင်းသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment