MNP ၊ မေ ၁၈
ရန်ကုန်တိုင်းဒေသကြီး၊ တောင်ပိုင်းခရိုင်၊ ခရမ်းမြို့နယ်အတွင်းမှ တောင်သူများအတွက် ၂၀၂၃ ခုနှစ် မိုးရာသီစိုက်ပျိုးစရိတ်ချေးငွေများကို ယနေ့နံနက် ၈ နာရီမှစ၍ ခရမ်းမြို့နယ်မြန်မာ့လယ်ယာဖွံ့ဖြိုးရေးဘဏ်၌စတင်၍ ထုတ်ချေးပေးလျက်ရှိကြောင်း သိရှိရသည်။
ခရမ်းမြို့နယ်၌ မိုးစပါးစိုက်ပျိုးရန် ၁၁၀၆၄၂ ဧကရှိရာ တစ်ဧကလျှင် မိုးစပါးချေးငွေ ကျပ်တစ်သိန်းခွဲနှုန်းဖြင့် ကျပ်သိန်းပေါင်း ၁၆,၅၉၆,၃၀၀,၀၀၀ ကျော် ထုတ်ချေးပေးရန်လျာထားကြောင်းနှင့် ယခင်နှစ်မိုးစပါးစိုက်ပျိုးစရိတ်ချေးငွေ အကျေဆပ်ပြီးသည့်တောင်သူများအား ဦးစားပေးအစဉ်အတိုင်းထုတ်ချေးပေးသွားမည်ဖြစ်ကြောင်း၊ ချေးငွေများကိုစက်တင်ဘာလကုန်အထိထုတ်ချေးပေးသွားမည်ဖြစ်ကြောင်း ယနေ့တွင်ခရမ်းမြို့နယ်၊ အုပ်ဖိုကျေးရွာပေါက်ပင်ကျေးရွာ၊ ဆင်မင်းအိုင်ကျေးရွာများမှ တောင်သူ ၂၇၀ ဦး၏ ၁၉၇၅ ဧကအတွက်ငွေပေါင်း ၂၉၆,၂၅၀,၀၀၀ သိန်းကျပ်အား စတင်ထုတ်ချေးပေးခဲ့ကြောင်း မြို့နယ်မြန်မာ့လယ်ယာဖွံ့ဖြိုးရေးဘဏ်မန်နေဂျာထံမှ သိရှိရသည်။
ခရမ်းမြို့နယ်တွင် ကျေးရွာအုပ်စု(၅၃)အုပ်စုမှ မိုးစပါးစိုက်ဧက ၉၄၇၈၆ ဧကလယ်သမားဦးရေ ၁၄၄၇၇ ဦးတို့အား မိုးရာသီစိုက်ပျိုးစရိတ်ချေးငွေများကို တစ်ဧကလျှင်တစ်သိန်းခွဲနှုန်းဖြင့် ယမန်နှစ်မိုးစပါးစိုက်ပျိုးစရိတ်ချေးငွေ အကျေဆပ်ပြီးသည့်တောင်သူများကို နေ့စဉ်ဆက်လက်ထုတ်ချေးပေးသွားမည်ဖြစ်ကြောင်း သိရှိရသည်။
ကိုမင်း
https://t.me/MyanmarNationalPost
No comments:
Post a Comment