MNP ၊ မေ ၁၉
ရခိုင်ပြည်နယ်၊ သံတွဲခရိုင်၊ ဂွမြို့နယ်တွင် ရန်ကုန်-ငါးသိုင်းချောင်း-ဂွ ကားလမ်းပေါ်ရှိ ဒေါင်းချောင်းတံတား အရေးပေါ်ပြင်ဆင်ထိန်းသိမ်းခြင်း လုပ်ငန်းများ ဆောင်ရွက်ခြင်းအား ယနေ့ နေ့လယ်ပိုင်းက မြို့နယ်စီမံအုပ်ချုပ်ရေးအဖွဲ့မှ ကြည့်ရှုစစ်ဆေး ခဲ့ကြသည်။
အဆိုပါ ပြင်ဆင်ထိန်းသိမ်းခြင်း လုပ်ငန်းများ ဆောင်ရွက်ရာသို့ မြို့နယ်စီမံအုပ်ချုပ်ချုပ်ရေးအဖွဲ့ ဥက္ကဋ္ဌ ဦးဇာနည်ကျော်နှင့် မြို့နယ်စီမံအုပ်ချုပ်ချုပ်ရေးအဖွဲ့ဝင်များကရန်ကုန်-ငါးသိုင်းချောင်း-ဂွ ကားလမ်းပေါ်ရှိ ဒေါင်းချောင်းတံတား အရှည်၁၅၀ပေ၊ အကျယ်၁၅ပေရှိ ကန့်လန့်ထည့်ထားသည့် ဒေါင်းချောင်းပူးပေါင်း စစ်ဆေးရေးဂိတ် ဘက်ခြမ်းမှ (၆)ခုမြောက် သံယက်မတစ်ချောင်းမှာ ကျိုးနေသဖြင့် လမ်းအထူးအဖွဲ့(၁၆)မှ ယာဥ်သွားလာမှု မပြတ်တောက်စေရန် အရေးပေါ် ပြန်လည်ပြုပြင်လျက်ရှိသည်ကို ကြည့်ရှုစစ်ဆေးခဲ့ကြကြောင်းနှင့် တံတားအား ယနေ့ ညနေ၆ နာရီအထိ ကုန်တင်ကားကြီးများ ဖြတ်သန်းသွားလာခွင့် မပြုဘဲ ခေတ္တယာယီပိတ်ထားမည်ဖြစ် ကြောင်း သိရသည်။
ရွှေရည်ဝင်းကျော်
https://t.me/MyanmarNationalPost
No comments:
Post a Comment