MNP ၊ ဇွန် ၁၇
ရခိုင်ပြည်နယ်၊ သံတွဲမြို့နယ်တွင် ဇွန်လ ၂၆ ရက်နေ့တွင်ကျရောက်မည့် အပြည်ပြည် ဆိုင်ရာမူးယစ်ဆေးဝါးအလွဲသုံးမှုနှင့်တရားမဝင်ရောင်းဝယ်မှုတိုက်ဖျက်ရေးနေ့အထိမ်း အမှတ်အကြို မူးယစ်ဆေးဝါးအသိပညာပေး Talk Show ကို ယမန်နေ့ မွန်းလွဲ ၂ နာရီက သံတွဲခရိုင်လူထုအခြေပြု ဗဟိုဌာန(Community Centre)၌ ဆောင်ရွက်ခဲ့သည်။
ထိုသို့ဆောင်ရွက်ရာတွင် သံတွဲခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယ ဦးစီးမှူး ဒေါ်မေမွန်ထွဋ်က အမျိုးသားမူးယစ်ဆေးဝါးထိန်းချုပ်ရေးမူဝါဒများ၊ မူးယစ်ဆေးဝါး အကြောင်းသိကောင်းစရာများ၊ မူးယစ်ဆေးဝါးသုံးစွဲခြင်းကြောင့် ရရှိနိုင်သည့်ဆိုးကျိုးများ၊ မူးယစ် ဆေးဝါးသုံးစွဲသူများ၏ကျန်းမာရေးဆိုင်ရာများ ၊ မူးယစ်ဆေးဝါးဖြန့်ဖြူးရောင်းချသူများနှင့် သုံးစွဲ သူများအား ဥပဒေကြောင်းအရ အရေးယူဆောင်ရွက်နိုင်သည့် ပြစ်မှုပြစ်ဒဏ်များအကြောင်း သိကောင်းစရာများကို ဦးဆောင်ဆွေးနွေးခဲ့သည်။
ထို့နောက် ရုပ်သံကျွမ်းကျင်-၃ ဒေါ်အေးအေးဝင်းက မူးယစ်ဆေးဝါးသုံးစွဲရခြင်း အကြောင်းရင်းများ ၊ မူးယစ်ဝါးပြဿနာအား မြန်မာနိုင်ငံအပါအဝင် ကမ္ဘာ့နိုင်ငံများကပါပူးပေါင်း ဆောင်ရွက်မှုအခြေအနေများ ၊မူးယစ်ဆေးဝါးနှင့်ပတ်သက်သည့် ကျောင်းသား၊ ကျောင်းသူများ သိရှိလိုက်နာဆောင်ရွက်သင့်သည့် ဆောင်ရန် ၊ ရှောင်ရန်လိုအပ်သည်များကိုအသိပညာပေးဆွေးနွေးခဲ့ကြသည်။
https://t.me/MyanmarNationalPost
No comments:
Post a Comment