MNP ၊ ဇူလိုင် ၆
ပဲခူးတိုင်းဒေသကြီး၊ပြည်ခရိုင်၊ရွှေတောင်မြိုနယ်တွင် မြို့နယ်ကျန်းမာရေးလုပ်ငန်းဆိုင်ရာကြီးကြပ်ရေးကော်မတီမှရွှေတောင်မြို့နယ်အတွင်းရှိပုဂ္ဂလိကဆေးခန်းများ၊ဆေးဆိုင်များအား လိုင်စင်သက်တမ်းကုန်ဆုံးခြင်းရှိ/ မရှိ ၊မြန်မာနိုင်ငံဆေးဝါးမှတ်ပုံတင်အမှတ် မပါရှိသည့် တရားမဝင်ဆေးဝါးများ ရောင်းချမှုရှိ / မရှိနှင့် မြို့နယ်စည်ပင်သာယာရေးလိုင်စင်ရှိ / မရှိတို့အား ယမန်နေ့ နံနက်ပိုင်းက ကွင်းဆင်းစစ်ဆေးခဲ့ကြောင်းသိရသည်။
အဆိုပါ ကွင်းဆင်းစစ်ဆေးရာသို့ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးဟံဝင်းေအာင် ၏ လမ်းညွှန်ကြီးကြပ်မှုဖြင့် မြို့နယ်ပုဂ္ဂလိက ကျန်းမာရေးလုပ်ငန်းဆိုင်ရာကြီးကြပ်ရေးကော်မတီပါ ဌာနဆိုင်ရာများဖြစ်သည့် မြို့နယ်ကျန်းမာရေးဦးစီးဌာန၊ မြို့နယ်ပြည်သူ့ကျန်းမာေရးဦးစီးဌာနမှူး ဒေါက်တာ အောင်မျိုးသန့် ဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာန ၊မြို့နယ်ရဲတပ်ဖွဲ့၊မြို့နယ်စည်ပင်သာယာရေးအဖွဲ့၊မြို့နယ်အခွန်ဦးစီးဌာန၊မြို့နယ်မီးသတ်ဦးစီးဌာန၊မြို့နယ်ပြန်/ ဆက် ဦးစီးဌာနနှင့်မြို့နယ်လမ်းဦးစီးဌာနတို့မှ ကွင်းဆင်းစစ်ဆေးဆောင်ရွက်ခဲ့ကြကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment