MNP ၊ ဇူလိုင် ၂၆
ရခိုင်ပြည်နယ်၊ စစ်တွေခရိုင်၊ ရသေ့တောင်မြို့နယ်၊ လူထုအခြေပြုဗဟိုဌာန( Community Centre)ခန်းမတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဝန်ထမ်းများက ယနေ့ နံနက်ပိုင်းကလုပ်ငန်းညှိနိုင်း အစည်းအဝေးပြုလုပ်ခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယဦးစီးမှူး ဒေါ်တင်ဇာဦး က ဝန်ထမ်းများအနေဖြင့် မိမိတို့ဌာနက ထုတ်ပြန်ခဲ့သော အမိန့်/ညွှန်ကြားချက်များ၊ ရုံးလုပ်ငန်းများ၊ စာကြည့်တိုက်ဆိုင်ရာလုပ်ငန်းနှင့်အခြားရုံးလုပ်ငန်းများကို ဝန်ထမ်းအားလုံး ပိုမို သိရှိနားလည်ထားရန်လိုအပ်ကြောင်း၊ ထိုသို့ သိရှိနားလည်ထားပါမှလုပ်ငန်းများကိုအကောင်
အထည်ဖော် ဆောင်ရွက် ရာတွင် ပိုမိုတိုးတက်ကောင်းမွန်အောင် လုပ်ဆောင်နိုင်မည်ဖြစ်ကြောင်းနှင့် ဝန်ထမ်းများ အရည်အသွေး တိုးတက် မြင့်မားပြီးရုံးလုပ်ငန်းများ ဆောင်ရွက် ရာတွင် စနစ်တကျဆောင်ရွက်နိုင်ကြစေရန် ရည်ရွယ်၍ အစည်းအဝေးပြုလုပ်ရခြင်း ဖြစ်ကြောင်းပြောကြားခဲ့သည်။
ဆက်လက်၍ ရုပ်/သံ ကျွမ်းကျင်(၃)ဦးအောင်သိန်းဝေက စာကြည့်တိုက်ဆိုင်ရာကိစ္စရပ်များအားလည်းကောင်း၊ ဦးထွန်းလင်းကျော် ဓါတ်ပုံကျွမ်းကျင်(၂)က သတင်းဆိုင်ရာ များကိုလည်းကောင်း၊ ဝန်ထမ်းတစ်ဦးချင်းအလိုက် ပြောကြားဆွေးနွေးကြပြီးမြို့နယ်ဦးစီးမှူးက လိုအပ်သည်များကို ဖြည့်စွက် ဆွေးနွေးခဲ့ကြောင်းသိရသည်။
https://t.me/MyanmarNationalPost
No comments:
Post a Comment