MNP ၊ ဩဂုတ် ၂၄
ရခိုင်ပြည်နယ်၊ တောင်ကုတ်ခရိုင်၊တောင်ကုတ်မြို့နယ်၌ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အခြေခံပညာဦးစီးဌာနနှင့်အားကစားနှင့်ကာယပညာဦးစီးဌာနတို့ တို့ပူးပေါင်း၍ လူငယ်စကားဝိုင်းကို ယမန်နေ့မွန်းလွဲ (၂)နာရီ အချိန်က အမှတ်(၁)၊အခြေခံပညာ အထက်တန်းကျောင်း၌ ကျင်းပပြုလုပ်သည်။
ရှေးဦးစွာ မြို့နယ်ပညာရေးမှူးရုံးမှ လက်ထောက်မြို့နယ်ပညာရေးမှူး ဦးထွန်းတင် နှင့် အမှတ်(၁)၊ အခြေခံပညာအထက်တန်းကျောင်းမှ ကျောင်းအုပ်ဆရာကြီး ဦးအောင်ကျော်စိန် တို့က အမှာစကားပြောကြီးပြီးနောက် ပြန်ကြားရေးနှင့်ပြည်သူ့ဆက်ဆံရေးဦးစီးဌာန မြို့နယ်ရုံးမှ ဦးစီးအရာရှိ ဦးမြင့်ရွှေ ကလူငယ်စကားဝိုင်းများကျင်းပပြု လုပ်ရသည့် ရည်ရွယ်ချက်များကိုရှင်းလင်းပြောကြားသည်။ထို့နောက် အထက်တန်းပြဆရာ ဦးဇော်မျိုးနိုင် က ဦးဆောင်၍ လူငယ်နှင့်မူးယစ်ဆေး ၊လူငယ်နှင့်ယဉ်ကျေးမှု ၊ လူငယ်နှင့်အနာဂတ်ပန်းတိုင် ခေါင်းစဉ်များဖြင့် ဆွေးနွေးကြရာ တက်ရောက်လာကြသည့် ကျောင်းသား ၊ ကျောင်းသူများကအဆိုပါခေါင်းစဉ်များနှင့်ပတ်သက်၍ မိမိတို့ ၏အတွေးအမြင်များကို ပြန်လည်ဆွေးနွေးသည်။
အခမ်းအနားသို့ အမှတ်(၁)၊အခြေခံပညာအထက်တန်းကျောင်းမှ ကျောင်းအုပ်ဆရာကြီးနှင့်ဆရာ၊ဆရာမများ ၊ ကျောင်းသား၊ကျောင်းသူများစုစုပေါင်း(၅၀၀)ကျော်တက်ရောက်ခဲ့ကြကြောင်းသိရသည်။
https://t.me/MyanmarNationalPost
No comments:
Post a Comment