MNP ၊ ဩဂုတ် ၁၀
ရခိုင်ပြည်နယ်၊ စစ်တွေခရိုင်၊ ရသေ့တောင်မြို့၌ မိခင်နှင့်ကလေးကျန်းမာရေးဌာနမှ အသက်(၅) အောက် ကလေးငယ်များအား အာဟာရဖွံ့ဖြိုးရေး ရက်သတ္တပတ်လှုပ်ရှားမှုဆောင်ရွက်ခြင်းကို ယနေ့နံနက် (၁၁) နာရီအချိန်၌ ရွှေကျင်ဘုန်းတော်ကြီးကျောင်း
တိုက်၌ ပြုလုပ်သည်။
အာဟာရဖွံ့ဖြိုးရေးရက်သတ္တပတ်ဆောင်ရွက်မှု (ဒုတိယအပတ်) ဆောင်ရွက်ရာ၌ မြို့နယ်အမျိုး သမီးရေးရာအဖွဲ့ဝင်များ၊ မြို့နယ်မိခင်နှင့်ကလေးစောင့်ရှောက်ရေးအဖွဲ့ဝင်းများတို့က ဝိုင်းဝန်းကူညီကာ အသက် (၆) လမှ (၅)နှစ်အတွင်းရှိ ကလေးငယ်များအား Vitamin – A တိုက်ကျွေးခြင်း၊ အသက် (၂)နှစ်မှ (၅)နှစ်အတွင်းရှိ ကလေးငယ်များအား Albendarre (သံချဆေး) တိုက်ကျွေးခြင်း၊ အသက် (၆) မှ (၅)နှစ် အတွင်းရှိ ကလေးငယ်များအား ကိုယ်အလေးချိန် ချိန်တွယ်ခြင်း၊ အရပ်အမြင့်တိုင်းခြင်းနှင့် လက်မောင်း လုံးပတ်တိုင်းခြင်းများကို ဆောင်ရွက်သည်။
ထိုနည်းတူစွာ ရသေ့တောင်မြို့နယ်အတွင်းရှိ ကျေးရွာများ၌လည်း ကျေးလက်ကျန်းမာရေးဌာန(ခွဲ)များ၌ တာဝန်ရှိကျန်းမာရေးဝန်ထမ်းများက အသက် (၆) မှ (၅)နှစ်အတွင်းရှိ ကလေးငယ်များအား အာဟာရ ရက်သတ္တပတ်လှုပ်ရှားမှု ဆောင်ရွက်ပေးလျက်ရှိကြောင်း မြို့နယ်မိခင်နှင့်ကလေးကျန်းမာရေးဌာနမှ သိရသည်။
https://t.me/MyanmarNationalPost
No comments:
Post a Comment