MNP ၊ ဩဂုတ် ၁၆
မွန်ပြည်နယ်၊ပေါင်မြို့နယ်၌ဌာနဆိုင်ရာများနှင့်ရပ်ကွက်/ကျေးရွာ အုပ်ချုပ်ရေးမှူးများလုပ်ငန်းညှိနှိုင်းအစည်းအဝေးပြုလုပ်ကျင်းပခြင်းကို ယနေ့နံနက်ပိုင်းက ဝါရီရူခန်းမ၌ပြုလုပ်ခဲ့သည်။
အစည်းအဝေးတွင် မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးထင်လင်းအောင် က ယခုအစည်းအဝေးကျင်းပခြင်းသည် ဌာနဆိုင်ရာများ၏ လုပ်ငန်းလိုအပ်ချက်များ ကို ရပ်ကွက်/ကျေးရွာ အုပ်ချုပ်ရေးမှူးများနှင့် တွေ့ဆုံစေပြီး လုပ်ငန်းများအောင်မြင်အောင် ဆောင်ရွက်ကြဖို့ရည်ရွယ်ပါကြောင်း၊အမှာစကားပြောကြားသည်။
ထို့နောက် လုပ်ငန်းလိုအပ်ချက်များရှိသည့် ဌာနများက မိမိတို့ဆောင်ရွက်နေသည့်လုပ်ငန်းများ အချိန်မီဆောင်ရွက်ရာတွင် ရပ်ကွက်၊ကျေးရွာအုပ်ချုပ်ရေးမှူးများက လိုအပ်သည့်အကူအညီများဆောင်ရွက်ပေးကြပါရန် ပြောကြားဆွေးနွေးခဲ့သည်။
ဆက်လက်၍ မြို့နယ်စီမံအုပ်ချုပ်ရေးအဖွဲ့ဝင်များက အစည်းအဝေးနှင့်ပတ်သက်၍လိုအပ်သည်များဖြည့်စွက်ပြောကြားပြီး ဌာနဆိုင်ရာများနှင့် ပေါင်းစပ်ညှိနှိုင်းဆောင်ရွက်ကာ ရပ်ကွက်၊ကျေးရွာ အုပ်ချုပ်ရေးမှူးများက သိလိုသည်များကို မေးမြန်းဆွေးဆွေးခဲ့ကြောင်းသိရသည်။
No comments:
Post a Comment