MNP ၊ ဩဂုတ် ၁၆
ပဲခူးတိုင်းဒေသကြီး၊ သာယာဝတီခရိုင်၊ သာယာဝတီမြို့နယ်၌ ကျန်းမာရေးဝန်ကြီးဌာနနှင့် ပညာရေးဝန်ကြီးဌာနတို့ ပူးပေါင်းဆောင်ရွက်သည့် ၂၀၂၃-၂၀၂၄ ခုနှစ် ပညာသင်နှစ် ကျောင်းကျန်းမာရေးသီတင်းပတ်လှုပ်ရှားမှု အခမ်းအနားကို ယမန်နေ့နံနက် ၈ နာရီက သာယာဝတီမြို့နယ်၊ သုံးဆယ်မြို့ အခြေခံပညာအထက်တန်းကျောင်း ပီမီးနင်းခန်းမ၌ ကျင်းပပြုလုပ်ခဲ့သည်။
အခမ်းအနားတွင် ခရိုင်ပြည်သူ့ကျန်းမာရေးနှင့်ကုသရေးဦးစီးဌာနမှူး ဒေါက်တာတင်ထွန်းဦးမှ အဖွင့်အမှာစကားပြောကြားခဲ့ပြီး မြို့နယ်ပညာရေးမှူး ဦးဝင်းနိုင်မှ ယနေ့ခေတ် ကျောင်းသား လူငယ်များသည် ပညာရည်မြင့်မားပြီး ကျန်းမာသန်စွမ်းမှသာလျှင် အနာဂတ်နိုင်ငံတော်ကို ကောင်းမွန်စွာ ဦးဆောင်နိုင်မည်ဖြစ်သည့်အတွက် ကျောင်းသားလူငယ်များအနေဖြင့် ပညာရေးကို အားစိုက်ထုတ်ရန်သာမက ကျန်းမာရေးကိုပါ အလေးထားဆောင်ရွက်ရမည်ဖြစ်ကြောင်း နှုတ်ခွန်းဆက် အမှာစကားပြောကြားသည်။
ထို့နောက် မြို့နယ်ပြည်သူ့ကျန်းမာရေးဦးစီးဌာနမှ ဒေါက်တာအောင်ဖြိုးဝေမှ ကျောင်းကျန်းမာရေးစစ်ဆေးရခြင်း၏ရည်ရွယ်ချက်များနှင့် လုပ်ငန်းစဥ်များအား ရှင်းလင်းပြောကြားပြီး ကျောင်းကျန်းမာရေးရက်သတ္တပတ် စာစီစာကုံးပြိုင်ပွဲ၌ ဆုရရှိသူ ကျောင်းသား/ကျောင်းသူများ အား ဆုချီးမြှင့်ခဲ့သည်။
အခမ်းအနားသို့ ပညာရေးဝန်ကြီးဌာန၊ ကျန်းမာရေးဝန်ကြီးဌာန၊ ခရိုင်/မြို့နယ် အမျိုးသမီးရေးရာအဖွဲ့၊ မိခင်နှင့်ကလေးစောင့်ရှောက်ရေးအသင်းမှ အဖွဲ့ဝင်များ၊ ဆုရကျောင်းသားကျောင်းသူများနှင့် ကျောင်းသားမိဘများ တက်ရောက်ခဲ့ကြောင်း သိရသည်။
သန့်ဇော်
https://t.me/MyanmarNationalPost
No comments:
Post a Comment