MNP ၊ သြဂုတ် ၁၄
ကချင်ပြည်နယ်၊ ဗန်းမော်မြို့တွင် ၂၀၂၂-၂၀၂၃ ပညာသင်နှစ် ဘာသာရပ်ပေါင်းစုံ အမျိုးသား ပိုက်ကျော်ခြင်းပြိုင်ပွဲကို သြဂုတ် ၁၄ ရက် နံနက် ၉ နာရီက နမ့်ဖားရပ်ကွက်ရှိ ဗန်းမော်တက္ကသိုလ် မိုးလုံလေလုံအားကစားခန်းမ၌ ပြုလုပ်ခဲ့ကြောင်း သိရသည်။
ရှေးဦးစွာ ဗန်းမော်တက္ကသိုလ် ပါမောက္ခချုပ် ဆရာမကြီး ဒေါက်တာနေသွယ်ကြည် ၏ ခွင့်ပြုချက်အရ အခမ်းအနားစတင်ခဲ့ပြီး စစ်ကြောင်းမှူးဦးဆောင်၍ ပြိုင်ပွဲဝင်အားကစားသမားများက ကွင်းအတွင်း နေရာယူကာ အားကစားသမားများက အားကစားသစ္စာအဓိဋ္ဌာန် ရွတ်ဆိုခဲ့ကြသည်။
ဆက်လက်ပြီး ဗန်းမော်တက္ကသိုလ် ပါမောက္ခချုပ် ဆရာမကြီး ဒေါက်တာနေသွယ်ကြည် က အဖွင့်အမှာစကားပြောကြားပြီး ပြိုင်ဝင်စတင်ယှဉ်ပြိုင်ခဲ့ကြသည်။
အဆိုပါဘာသာရပ်ပေါင်းစုံပိုက်ကျော်ခြင်းပြိုင်ပွဲသို့ ပါမောက္ခချုပ် ဆရာမကြီး ဒေါက်တာနေသွယ်ကြည် ၊ ဒုတိယပါမောက္ခချုပ် ဆရာကြီးများ၊ ပါမောက္ခ (ဌာနမှူးများ)၊ ပါမောက္ခဆရာမကြီးများ၊ ခရိုင်အားကစားနှင့်ကာယပညာဦးစီးဌာနမှ တာဝန်ရှိသူများ၊ ကျောင်းသားကျောင်းသူများ တက်ရောက်ခဲ့ကြပြီး သြဂုတ် ၁၄ ရက်မှ ၁၅ ရက်နေ့အထိ ပြုလုပ်မည့် ပြိုင်ပွဲတွင် အားကစားအသင်း ရှစ်သင်း ဝင်ရောက်ယှဉ်ပြိုင်မည်ဖြစ်ကြောင်း သိရသည်။
#MyanmarNationalPost
No comments:
Post a Comment