MNP ၊ ဩဂုတ် ၁၂
မွန်ပြည်နယ်၊ သထုံမြို့နယ် သမဝါယမအသင်းစုလီမိတက်၏ ၂၀၂၂-၂၀၂၃ ဘဏ္ဍာရေးနှစ် အရပ်ရပ်ဆိုင်ရာ နှစ်ပတ်လည် အစည်းအဝေးကို ဩဂုတ်လ ၁၁ ရက်နေ့၊ နံနက်က အောက်ကျင်းရပ်ကွက်ရှိ အဆိုပါအသင်းစုရုံးခန်းမ၌ ကျင်းပပြုလုပ်ခဲ့သည်။
အခမ်းအနားတွင် သဘာပတိအဖြစ်ဆောင်ရွက်သည့် မြို့နယ်သမဝါယမအသင်းစု ဥက္ကဋ္ဌ ဦးဇော်လွင်က အဖွင့်အမှာစကား ပြောကြားပြီး မွန်ပြည်နယ် သမဝါယမဦးစီးဌာနမှ ဒုတိယညွှန်ကြားရေးမှူး ဦးသန်းနိုင်က လမ်းညွှန်အမှာစကားပြောကြားသည်။
ထို့နောက် ၂၀၂၂ - ၂၀၂၃ ဘဏ္ဍာရေးနှစ် အမှုဆောင်ဒါရိုက်တာအဖွဲ့ အစီရင်ခံစာ၊ နှစ်ချုပ်ဘဏ္ဍာရေးရှင်းတမ်းနှင့် အသင်း၏စာရင်းစစ်အစီရင်ခံစာတို့ကို တာဝန်ရှိသူတစ်ဦးက ဖတ်ကြားတင်သွင်းခြင်း၊ အသင်းကိုယ်စားလှယ်များထံမှ အတည်ပြုချက်များရယူခြင်းနှင့် အောက်မြန်မာပြည်(ဖောင်ကြီး)ဗဟိုဝန်ထမ်းတက္ကသိုလ်မှ စစ်ရေးပြအဆင့်(၃)ရရှိခဲ့သည့် မြို့နယ်သမဝါယမဦးစီးဌာနမှ ထူးချွန်ဝန်ထမ်းတစ်ဦးအား ဂုဏ်ပြုချီးမြှင့်ခြင်းတို့ကို ဆောင်ရွက်ခဲ့ကြသည်။
အဆိုပါ အခမ်းအနားသို့ မွန်ပြည်နယ်သမဝါယမဦးစီးဌာနမှ ဒုတိယညွှန်ကြားရေးမှူးနှင့် ဝန်ထမ်းများ၊ မြို့နယ်သမဝါယမ အသင်းစုလီမိတက် ဥက္ကဋ္ဌ၊ ဒါရိုက်တာအဖွဲ့ဝင်များနှင့် အသင်းဝင် ကိုယ်စားလှယ်များ တက်ရောက်ခဲ့ကြောင်း သိရသည်။
https://t.me/MyanmarNationalPost
No comments:
Post a Comment