MNP ၊ ဩဂုတ် ၂၂
မွန်ပြည်နယ်၊ကျိုက်ထိုမြို့နယ်တွင် ပြန်ကြားရေးနှင့် ပြည်သူ့ဆက်ဆံရေးစီးဌာနနှင့်စားသုံးသူရေးရာဦးစီးဌာနတို့ ပူးပေါင်း၍ စားသုံးသူကာကွယ်ရေးဥပဒေပါတားမြစ်ချက်များအကြောင်း အသိပညာပေးTalk Show ဆွေးနွေးပွဲကို ဩဂုတ် ၂၂ရက် နံနက်ပိုင်းက မြို့နယ်လူထုအခြေပြုဗဟိုဌာန Community Centre ခန်းမတွင်ကျင်းပပြုလုပ်ခဲ့သည်။
ဆွေးနွေးပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိဒေါ်သန်းသန်းမော် က Talk Show အစီအစဉ်ပြုလုပ်ရသည့်ရည်ရွယ်ချက်ကိုပြောကြားပြီးအစီအစဉ်တင်ဆက်သူအဖြစ်ဆောင်ရွက်ခဲ့သည်။
ထို့နောက် စားသုံးသူရေးရာဦးစီးဌာနမှဦးစီးအရာရှိဦးအောင်ကျော်မင်းနှင့် ဦးစီးမှူးဦးဇော်ဦးတို့က စားသုံးသူကာကွယ်ရေးနှင့်လုပ်ငန်းအကောင်အထည်ဖော်ဆောင်ရွက်နေမှုအခြေအနေ၊စားသုံးသူကာကွယ်ရေးဥပဒေပါတားမြစ်ချက်များအ ကြောင်း၊စားသုံးသူကာကွယ်ရေးဥပဒေအရတားမြစ်ချက်များကိုဖောက်ဖျက်ကျူးလွန်ပါကအရေးယူခံနိုင်မှုအခြေအနေ များကို အကျယ်တဝင့်ရှင်းလင်းဆွေးနွေးခဲ့ကြသည်။
ကျိုက်ထိုမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ယခုကဲ့သို့ အသိပညာပေးဆွေးနွေးပွဲ Talk Show အစီအစဉ်များရိုက်ကူးထုတ်လွှင့်ခြင်းအပါအဝင် ပြည်သူအသိပညာပေးဝန်ဆောင်မှုလုပ်ငန်းများကို စဉ်ဆက်မပြတ်ဆောင်ရွက်လျက်ရှိပြီး Talk Show အစီအစဉ်များကိုလည်း ပြည်သူများ အကျိုးရှိစေမည့် သတ်မှတ် ခေါင်းစဉ်အလိုက် ရိုက်ကူးထုတ်လွှင့်ခြင်းအား လူထုအခြေပြုဗဟိုဌာနခန်းမ၌ လစဉ်ပုံမှန် ပြုလုပ်လျက်ရှိကြောင်း သိရသည်။
https://t.me/MyanmarNationalPost
No comments:
Post a Comment