MNP ၊ စက်တင်ဘာ ၁၂
ရခိုင်ပြည်နယ်၊ တောင်ကုတ်မြို့နယ်၊ မအီမြို့၌ လူငယ်စကားဝိုင်း ဆေးနွေးပွဲကို စက်တင်ဘာ ၁၁ ရက် နေ့လယ်ပိုင်းက မအီမြို့၊ အထက်တန်းကျောင်း " မြရတနာ " ကျောင်းခန်းမတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင် အခြေခံပညာဦးစီးဌာတို့ ပူးပေါင်း၍ ကျင်းပခဲ့သည်။
အခမ်းအနားတွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ မြို့ဦးစီးမှူး ဦးသက်နောင်ထွန်းက လူငယ်စကားဝိုင်းဆွေးနွေးပွဲ ကျင်းပရခြင်း၏ ရည်ရွယ်ချက်များကို ရှင်းလင်းပြောကြားပြီး ကျောင်းအုပ်ဆရာမကြီး ဒေါ်မျိုးမြတ်မြတ်ခိုင်က ကျေးဇူးတင်စကား ပြောကြားသည်။
ဆက်လက်၍ လူငယ်စကားဝိုင်းကိုကျင်းပရာ ဦးစီးမှူး ဦးသက်နောင်ထွန်းက ဦးဆောင်ဆွေးနွေးသူအဖြစ် ဆောင်ရွက်ပြီး အ. ထ. က(မအီ)ကျောင်းမှ အထက်တန်းကျောင်းသားကျောင်းသူများက "လူငယ်နှင့် အားကစား" " လူငယ်နှင့် အနုပညာ " " လူငယ်နှင့် ယဉ်ကျေးမှု " " လူငယ်နှင့် ပျင်းရိခြင်း " " လူငယ်နှင့် စာရိတ္တ " " လူငယ်နှင့် စာဖတ်ဝါသနာ " " လူငယ်နှင့် ကျန်းမာရေး " " လူငယ်နှင့် စာဖတ်ခြင်း " " လူငယ်နှင့် မူးယစ်ဆေးဝါး " ခေါင်းစဉ်များဖြင့် အသီးသီးဆွေးနွေးကာ တက်ရောက်လာကြသူများ၏ သိရှိလိုသည့် မေးမြန်းဆွေးနွေးမှုများကို ပြန်လည်ရှင်းလင်းဖြေကြားကြသည်။
စကားဝိုင်းဆွေးနွေးပွဲအပြီးတွင် မအီမြို့၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ခင်းကျင်းပြသထားသည့် " ကလေးအလုပ်သမား ပပျောင်းရေး " အသိပညာရေး နံရံကပ်စာစောင်နင့် " လူကုန်ကူးမှု တားဆီးကာကွယ်ရေး " အသိပညာပေး နံရံကပ်စာစောင်တို့အား တက်ရောက်လာကြသူများနှင့် ကျောင်းသားကျောင်းသူများက စိတ်ဝင်တစား ကြည့်ရှုလေ့လာခဲ့ကြကြောင်း သိရသည်။
မောင်မောင်ဌေး
https://t.me/MyanmarNationalPost
No comments:
Post a Comment