ကင်ဂျုံအန်းသည် အထူးရထားဖြင့် ပြုံယမ်းမှ ရုရှားနိုင်ငံသို့ အလည်အပတ်ခရီးအတွက် ထွက်ခွာလာ

တိုကျို၊ စက်တင်ဘာ ၁၂

မြောက်ကိုရီးယားခေါင်းဆောင် ကင်ဂျုံအန်းသည် ရုရှားနိုင်ငံသို့ သွားရောက်လည်ပတ်ရန် အထူးရထားဖြင့် စက်တင်ဘာ ၁၀ ရက် မွန်းလွဲပိုင်းတွင် ပြုံယမ်းမှ ထွက်ခွာခဲ့ကြောင်း Voice of Korea အသံလွှင့်ဌာနက သတင်းထုတ်ပြန်ခဲ့သည်။

၎င်း၏ ခရီးစဉ်တွင် မြောက်ကိုရီးယား၏ အဆင့်မြင့် ပါတီ၊ အစိုးရနှင့် စစ်ဘက် အရာရှိများ လိုက်ပါသွားမည်ဖြစ်ကြောင်း ၎င်းက အလေးပေး ပြောကြားခဲ့သည်။

ကိုရီးယား Central News Agency မှ ထုတ်ဝေသည့် ဓာတ်ပုံများအရ အဆိုပါ အထူးရထားကို ကိုရီးယား အလုပ်သမားများပါတီ ဗဟိုစစ်ကော်မရှင် ဒုတိယဥက္ကဋ္ဌ Ri Pyong-chol နှင့် အလုပ်သမားခေါင်းဆောင် Pak Jong-chol တို့က လိုက်ပါစီးနင်းခဲ့ကြောင်း သိရသည်။ ဒီခရီးစဉ်မှာ လိုက်ပါလာတဲ့ ကိုယ်စားလှယ်အဖွဲ့ဝင်တွေကို တရားဝင် ထုတ်ပြန်ကြေညာခြင်း မရှိသေးပါဘူး။

ရုရှားသမ္မတ ဗလာဒီမာပူတင်နှင့် ကင်ဂျုံအန်းတို့ကြား မကြာမီ တွေ့ဆုံမည်ဖြစ်ကြောင်း ကရင်မလင်ပြောခွင့်ရပုဂ္ဂိုလ် ဒီမီထရီ ပက်စကော့ဗ်က စက်တင်ဘာ ၁၁ ရက်တွင် ပြောကြားခဲ့သည်။ မြောက်ကိုရီးယားခေါင်းဆောင်၏ ရုရှားနိုင်ငံသို့ လာရောက်မည့် ခရီးစဉ်ကိုလည်း ကိုရီးယားဗဟိုသတင်းအေဂျင်စီက ထုတ်ပြန်ကြေညာခဲ့သည်။

Ref - TASS

#MyanmarNationalPost