MNP ၊ စက်တင်ဘာ ၇
ရခိုင်ပြည်နယ်၊ စစ်တွေခရိုင်၊ ပေါက်တောာမြို့တွင် ဝန်ထမ်းများစာဖတ်ခြင်းဖြင့် အသိပညာဗဟုသုတရရှိစေရေး၊ စာဖတ်သည့်အလေ့အထများရရှိစေပြီး တစ်ဦးနှင့်တစ်ဦး စာပေဗဟုသုတများကို အပြန်အလှန် ဆွေးနွေးတတ်သည့် အလေ့အကျင့်များရရှိစေခြင်း၊ သတင်းရေးသားထုတ်ပြန်ခြင်း လုပ်ငန်းများဆောင်ရွက်ရာတွင် ပိုမိုထိရောက်အောင်မြင်မှုများ ရရှိစေရန်ရည်ရွယ်ပြီး "သတင်းရေးသားထုတ်ပြန်ခြင်းသင်တန်းသင်ခန်းစာမှတ်စု"စာအုပ်ဖြင့် ဝန်ထမ်းများစာဖတ်ဝိုင်းကို ယနေ့နံနက်ပိုင်းက ပြန်ကြားရေးနှင့် ပြည်သူ့ဆက်ဆံရေးဦးစီးဌာန Community Center ခန်းမတွင် ပြုလုပ်ခဲ့သည်။
ရှေးဦးစွာ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ မြို့နယ်ဦးစီးမှူး ဒေါ်တင်တင်စိန်က "သတင်းရေးသားထုတ်ပြန်ခြင်းသင်တန်းသင်ခန်းစာမှတ်စု"စာအုပ် အခန်း(၁)ပါ သတင်း၏အခြေခံဖွဲ့စည်းပုံနှင့် သတင်းကောင်းတစ်ပုဒ်အတွက်လိုအပ်ချက် အခန်းကိုလည်းကောင်း၊ ဒုတိယဦးစီးမှူး ဦးဝင်းမင်းစိုးက အခန်း(၃)ပါ အချက်အလက်များစုဆောင်းခြင်း၊ သတင်းလိုက်ခြင်း၊ စူးစမ်းလေ့လာခြင်း၊ တွေ့ဆုံမေးမြန်းခြင်း၊ အထောက်အထားများကိုအသုံးချခြင်းအခန်းတို့ကို အကျယ်တဝင့် ရှင်းလင်းဆွေးနွေးခဲ့သည်။
ယင်းနောက် စာဖတ်ဝိုင်းသို့ တက်ရောက်လာကြသည့် ဝန်ထမ်းများက သိရှိလိုသည်များကို အပြန်အလှန်မေးမြန်းဆွေးနွေးခဲ့ကြရာ မြို့နယ်ဦးစီးမှူးက မေးမြန်းချက်များအပေါ် ပြန်လည်ဖြေကြားခဲ့သည်။ပေါက်တောမြို့နယ်ရုံးတွင် ဝန်ထမ်းများ၏ စွမ်းဆောင်ရည်များ တိုးတက်မြင့်မားလာစေရန် ရည်ရွယ်၍ ဝန်ထမ်းများ စာဖတ်ဝိုင်းကို တစ်လလျှင် နှစ်ကြိမ် ပြုလုပ်ဆောင်ရွက်လျက် ရှိကြောင်း သိရသည်။
https://t.me/MyanmarNationalPost
No comments:
Post a Comment