MNP ၊ စက်တင်ဘာ ၆
စစ်ကိုင်းတိုင်းဒေသကြီး၊ ရွှေဘိုတက္ကသိုလ်၌ လူငယ်သီတင်းပတ် (Youth Week) အဖြစ် သတ်မှတ်၍ လူငယ်များ ကာယ၊ ဉာဏ၊ စာရိတ္တ၊ မိတ္တ၊ ဘောဂ ဘက်စုံဖွံဖြိုးရေးအတွက် ရည်ရွယ်ပြီး ဗလငါးတန်ဖွံ့ဖြိုးရေး လူငယ်လှုပ်ရှားမှုများကို ယမန်နေ့မှ စတင်ပြီး ကျင်းပပြုလုပ် လျက်ရှိရာ ယမန်နေ့ နံနက်ပိုင်းက ဘွဲ့နှင်းသဘင်ခန်းမဝန်း အတွင်းတွင် ဘာသာရပ်အလိုက် လွန်ဆွဲပြိုင်ပွဲများကျင်းပပြုလုပ်ကြောင်း သိရသည်။
အခမ်းအနားတွင် ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမျိုးဦးက အဖွင့်အမှာစကားပြောကြားခဲ့ပြီး ဝိဇ္ဇာ+သိပ္ပံ ကျား/မ(၁၅)သင်းစီတို့မှ လွန်ဆွဲပြိုင်ပွဲ လက်ဆက်ကျင်းပရာ ရွှေတက္ကသိုလ် ပါမောက္ခချုပ် ဆရာမကြီး ဒေါက်တာမျိုးမျိုး၊ ဒုတိယပါမောက္ခချုပ် ဆရာမကြီးဒေါက်တာ တင်တင်ရီနှင့် ပါမောက္ခဌာနမှူးများနှင့် ပါမောက္ခများ၊ သရုပ်ပြ၊ နည်းပြ၊ ဆရာ၊ ဆရာမများနှင့် ကျောင်းသား၊ ကျောင်းသူများ၊ ခရိုင်အဆင့် ဌာနဆိုင်ရာ တာဝန်ရှိသူများက ကြည့်ရှုအားပေးခဲ့ကြ ပြီး ပြိုင်ပွဲတွင် ပထမ၊ ဒုတိယ၊ တတိယဆု ရရှိသူများအား ခရိုင်စီမံအုပ်ချုပ်ရေးအဖွဲ့ဥက္ကဋ္ဌ ဦးမျိုးဦး၊ ပါမောက္ခချုပ်ဆရာမကြီး ဒေါက်တာမျိုးမျိုးနှင့် တာဝန်ရှိသူများက ဆုများချီးမြှင့်ပေးခဲ့ သည်။
ရွှေဘိုတက္ကသိုလ်တွင် ကျင်းပပြုလုပ်သော ဗလငါးတန်ဖွံ့ဖြိုးရေး လူငယ်လှုပ်ရှားမှုပွဲများကို စက်တင်ဘာလ ၄ ရက်နေ့မှ စတင်ပြီး စက်တင် ဘာလ ၈ ရက်နေ့အထိ ပြိုင်ပွဲများ၊ ဟောပြောပွဲ များကို ဆက်လက်ကျင်းပမည်ဖြစ်ပြီး ဆုရရှိသူများကို ဆုများပေးအပ်ချီးမြင့်ပေးမည်ဖြစ် ကြောင်း သိရသည်။
https://t.me/MyanmarNationalPost
No comments:
Post a Comment