MNP ၊ အောက်တိုဘာ ၉
ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီ၊ ပဲခူးတိုင်းဒေသကြီး တိုင်းပါတီဥက္ကဋ္ဌ ဦးရဲမြင့်ထွန်း၏ ကွင်းဆင်းဦးဆောင်မှုနှင့်အတူ တိုင်းပါတီကော်မတီဝင်များ၊ ခရိုင်၊ မြို့နယ်ပါတီဝင်များ ပူးပေါင်း၍ ပဲခူးမြိုနယ်အတွင်း ရေကြီးနစ်မြှပ်နေသော ကျောက်ကြီးစုရပ်ကွက်ရှိ ပြည်သူများအတွက် စားသောက်ရေး အဆင်ပြေစေရန် အသင့်စားသုံးနိုင်သော ထမင်းဗူး (၁၄၀) အား အောက်တိုဘာလ ၈ ရက်နေ့ ည ၇ နာရီခွဲခန့်က အိမ်အရောက်သွားရောက်၍ လှူဒါန်းပေးအပ်ခဲ့ကြောင်း သိရသည်။
ပဲခူးမြစ်ရေသည် စိုးရိမ်ရေမှတ်ကို ကျော်လွန်၍ ရေကြီးရေလျံမှုများ ဖြစ်ပေါ်နေခြင်းကြောင့် ရေဘေးသင့် ပြည်သူများအား တိုင်းဒေသကြီးအစိုးရအစီအစဉ်အဖြင့် ရေဘေးရှောင်စခန်းများ ဖွင့်လှစ်ပေးထားပြီး ကူညီကယ်ဆယ်ရေးလုပ်ငန်းများကို တပ်မတော်သားများက ဦးဆောင်လုပ်ကိုင်လျက်ရှိသည်။
ပဲခူးတိုင်းဒသေကြီး ပြည်ခိုင်ဖြိုးပါတီအနေဖြင့် ရေနစ်မြုပ်နေသော စာသင်တိုက်များသို့ ဆန်၊ ဆီ သွားရောက်လှူဒါန်းခြင်း၊ ရေဘေးသင့်ပြည်သူများထံ ထမင်းထုပ်များ လိုက်လံလှူဒါန်းခြင်းများ ဆောင်ရွက်လျက်ရှိကြောင်း သိရသည်။
https://t.me/MyanmarNationalPost
No comments:
Post a Comment