MNP ၊ အောက်တိုဘာ ၁၂
မန္တလေးတိုင်းဒေသကြီး၊ ဝမ်းတွင်းမြို့နယ် ဗြင်းကြီးကျေးရွာအုပ်စု တောင်ဘိုကျေးရွာတွင် ကျေးရွာဖွံ့ဖြိုးတိုးတက်ရေးစီမံကိန်းဖြင့် ကျေးရွာတွင်းလမ်း ကွန်ကရစ်ခင်းခြင်းလုပ်ငန်း ဆောင်ရွက်လျက်ရှိကြောင်း မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ သိရသည်။
ဝမ်းတွင်းမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ၂၀၂၃-၂၀၂၄ဘဏ္ဍာရေးနှစ်တွင် ကျေးရွာဖွံ့ဖြိုးတိုးတက်ရေးလုပ်ငန်းစီမံကိန်းဖြင့် ဆင်ချီတိုင်ကျေးရွာအုပ်စု ဆားတောင်ကျေးရွာ၊ ဗြင်ကြီး ကျေးရွာအုပ်စု ကျွဲတပ်ကျေးရွာ၊ ရာသင်္ချာကျေးရွာအုပ်စု ရာသင်္ချာကျေးရွာ၊ တောင်ဘို ကျေးရွာအုပ်စု တောင်ဘိုကျေးရွာ၊ ရွှေတောင်ကျေးရွာအုပ်စု ရွှေဂံကျေးရွာ၊ ထီးလှိုင်ကျေးရွာအုပ်စု ထီးလှိုင်အနောက် ကျေးရွာတို့တွင် ကျေးရွာတစ်ရွာလျှင် နိုင်ငံတော်ထောက်ပံ့ရန်ပုံငွေ ကျပ်သိန်း (၁၅၀)နှင့်ပြည်သူထည့်ဝင်ငွေ ၄၅ သန်းတို့ဖြင့် ဇူလိုင်လမှစတင်၍ဆောင် အကောင်အထည်ဖော် ဆောင်ရွက်လျက်ရှိသည်။
ယင်းသို့ အကောင်အထည်ဖော်ဆောင်ရွက်လျက်ရှိရာမှ ဗြင်းကြီးကျေးရွာအုပ်စု ကျွဲတပ်ကျေးရွာ တွင် နိုင်ငံတော်ထောက်ပံ့ရန်ပုံငွေ ကျပ်သိန်း(၁၅၀)နှင့်ပြည်သူထည့်ဝင်ငွေ (၄၅)သိန်းတို့ဖြင့် ကျေးရွာတွင်း လမ်းအား အရှည်ပေ ၇၅၀၊ အကျယ် ၁၂ပေ၊ ထု ၆လက်မရှိ ကွန်ကရစ်လမ်းခင်းခြင်း လုပ်ငန်း ဆောင်ရွက်လျက်ရှိသည်။ အဆိုပါလုပ်ငန်းများမှ ၉၀ ရာခိုင်နှုန်းပြီးစီးပြီဖြစ်ရာ ရာနှုန်းပြည့် ပြီးစီးပါက အိမ်ခြေ ၁၈၆ လူဦးရေ ၆၇၃ ဦးအား အကျိုးရှိမည်ဖြစ်ကြောင်း မြို့နယ်ဦးစီးမှူး ဦးဝင်းနိုင်ဦးထံမှ သိရသည်။
သိန်းမြင့်ကျော်
https://t.me/MyanmarNationalPost
No comments:
Post a Comment