MNP ၊ အောက်တိုဘာ ၅
ပဲ ခူးတိုင်းဒေသကြီး၊ပြည်ခရိုင်၊ရွှေတောင်မြို့နယ် အထက ( ရွှေတောင်) ရတနာခန်းမတွင် ယနေ့နံနက်ပိုင်းက ၂၀၂၃ခုနှစ်၊ ကမ္ဘာ့ဆရာများနေ့ အထိမ်းအမှတ် အခမ်းအနားကျင်းပခဲ့သည်။
အခမ်းအနားတွင် ဆရာ၊ဆရာမများကမြတ်ဆရာသီချင်းဖြင့်ဂုဏ်ပြုသီဆိုဖွင့်လှစ်ခဲ့ပြီး မြို့နယ်စီမံအုပ်ချုပ်ရေးအဖွဲ့ဥက္ကဌဦးဟံဝင်းအောင်က ပြည်ထောင်စုသမ္မတမြန်မာနိုင်ငံတော် နိုင်ငံတော်စီမံအုပ်ချုပ်ရေးကောင်စီဥက္ကဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေစည်သူ၊သတိုးသီရိသုဓမ္မမင်းအောင်လှိုင်ထံမှ ၂၀၂၃ခုနှစ်၊ ကမ္ဘာ့ဆရာများနေ့ အထိမ်းအမှတ် အခမ်းအနားသို့ ပေးပို့သော သဝဏ်လွှာအားဖတ်ကြားခဲ့သည်။
ဆက်လက်၍ တာဝန်ခံမြို့နယ်ပညာရေးမှူး ဆရာကြီးဦးအောင်နိုင်ဝင်းက ကုလသမဂ္ဂလက်အောက်ခံအဖွဲ့ ( ၅) ဖွဲ့၏ အဖွဲ့ခေါင်းဆောင်များက ပေးပို့သောစုပေါင်းသဝဏ်လွှာကို ဖတ်ကြားခဲ့သည်။
ထို့နောက် ကမ္ဘာ့ဆရာများနေ့ အထိမ်းအမှတ် စာစီစာကုံး၊ကဗျာပြိုင်ပွဲများတွင်ဆုရကျောင်းသား/ ကျောင်းသူ များအားဆုချီးမြှင့်ခဲ့ကြပြီးကမ္ဘာ့ဆရာများနေ့ အထိမ်းအမှတ် အခမ်းအနား စုပေါင်းမှတ်တမ်းတင်ဓာတ်ပုံရိုက်ကူးခဲ့ကြသည်။
အဆိုပါ အခမ်းအနားသို့ မြို့နယ်စီမံအုပ်ချုပ်ရေးအဖွဲ့ဥက္ကဌ ( မြို့နယ်ပညာရေးကြီးကြပ်မှု ကော်မတီ ဥက္ကဌ) နှင့် အဖွဲ့ဝင်များ၊ မြို့နယ်အဆင့်ဌာနဆိုင်ရာအကြီးအကဲများ၊ ကျောင်းအကျိုးဆောင်ကော်မတီဝင်များ၊မြို့မိမြို့ဖများ၊ရွှေတောင်မြို့နယ်အတွင်း အခြေခံပညာကျောင်းများရှိ ကျောင်းအုပ် ဆရာ/ဆရာမကြီး များစုစုပေါင်းအင်အား ( ၂၄၅)ဦးခန့် တက်ရောက်ခဲ့ကြကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment