MNP ၊ အောက်တိုဘာ ၆
ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်တွင် မိုးစပါးသီးနှံ စံကွက်ရိတ်သိမ်းပွဲ အခမ်းအနားကို ယမန်နေ့နံနက်ပိုင်းက သရက်လိန်အုပ်စု၊ သူရဲဇီးကျေးရွာတောင်သူ ဒေါ်ဝင်းဝင်းရွှေ၏ ကွင်းအမှတ် (၈၃) သူရဲဇကွင်း ဦးပိုင် (၁၈၆) ထိုင်းနှံကောက် မိုးစပါးမျိုးစိုက်ခင်းတွင် ကျင်းပပြုလုပ်ခဲ့ကြောင်း သိရသည်။
အခမ်းအနားတွင် မြို့နယ်လယ်ယာမြေစီမံခန့်ခွဲမှုအဖွဲ့ဥက္ကဋ္ဌ ဦးအောင်သူရက ဒေသခံတောင်သူများ စပါးသီးနှံစိုက်ပျိုးရာတွင် သီးနှံအထွက်နှုန်း တိုးတက်ကောင်းမွန်စေရေးအတွက် တောင်သူပညာပေး မိုးစပါးသီးနှံစံကွက်ရိတ်သိမ်းပွဲ ကျင်းပပြုလုပ်ရခြင်း၏ ရည်ရွယ်ချက်နှင့် ရာသီအလိုက် သီးနှံများစိုက်ပျိုးရာတွင် သိရှိလိုက်နာရမည့် စိုက်ပျိုးရေးဆိုင်ရာနည်းစနစ်များကို ပညာပေးရှင်းလင်းဆွေးနွေးပြောကြားသည်။
ထို့နောက် မြို့နယ်လယ်ယာမြေစီမံခန့်ခွဲမှုအဖွဲ့ဥက္ကဋ္ဌ ဦးအောင်သူရ၊ မြို့နယ်စိုက်ပျိုးရေးဦးစီးဌာန ဦးစီးအရာရှိ ဒေါ်အေးအေးသင်းနှင့် ဝန်ထမ်းများ၊ မြို့နယ်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန ဦးစီးအရာရှိ ဦးလင်းလင်းထွန်းနှင့် ဝန်ထမ်းများက ဒေသခံ တောင်သူများနှင့်အတူ သူရဲဇီးကျေးရွာ၊ တောင်သူ ဒေါ်ဝင်းဝင်းရွှေ၏ ထိုင်းနှံကောက်မိုးစပါးစိုက်ခင်း (၂၉)ဧကအား စံကွက်ရိတ်သိမ်းရာ တစ်ဧကပျမ်းမျှစပါး ၁၀၀.၁၂ တင်း ထွက်ရှိခဲ့ကြောင်း သိရသည်။
လပြည့်လင်း
https://t.me/MyanmarNationalPost
No comments:
Post a Comment