MNP ၊ အောက်တိုဘာ ၆
ရှမ်းပြည်နယ်(အရှေ့ပိုင်း)၊ မိုင်းယောင်းခရိုင်၊ မိုင်းယုမြို့အတွင်း ညဉ့်အိပ်ညဉ့်နေလာရောက်သူများရှိပါက ဧည့်စာရင်းတိုင်ကြားထားခြင်း ရှိ၊မရှိကို တာဝန်ရှိသူများက အောက်တိုဘာ ၄ ရက်နေ့ ညပိုင်းအချိန်က အိမ်တိုင်ရာရောက် စစ်ဆေးခဲ့ကြသည်။
ယင်းသို့ ဧည့်စာရင်းစစ်ဆေးခြင်းကို အထွေထွေအုပ်ချုပ်ရေးဦးစီးဌာန၊ ရဲတပ်ဖွဲ့၊ လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာနမှ တာဝန်ရှိသူများ၊ မီးသတ်တပ်ဖွဲ့၊ သက်ဆိုင်ရာ ရပ်/ကျေးအုပ်ချုပ်ရေးမှူးပါဝင်သည့် ပူးပေါင်းအဖွဲ့က ရပ်ကွက်နှင့်တည်းခိုခန်းများတွင် ညဉ့်အိပ်ညဉ့်နေလာရောက်တည်းခိုသည့် ဧည့်သည်များအနေဖြင့် သက်ဆိုင်ရာသို့ ဧည့်စာရင်း တိုင်ကြားထားခြင်း ရှိ၊ မရှိကို စစ်ဆေးခဲ့ကြသည်။
ဧည့်စာရင်းစစ်ဆေးခြင်းကို တာဝန်ရှိသူများက နေ့စဉ် ရပ်ကွက်နှင့်ကျေးရွာအလိုက် ကွင်းဆင်းစစ်ဆေးလျက်ရှိပြီး ညဉ့်အိပ်ညဉ့်နေလာရောက်တည်းခိုသော ဧည့်သည်များရှိပါက သက်ဆိုင်ရာသို့ မပျက်မကွက် စနစ်တကျ ဧည့်စာရင်းတိုင်ကြားကြရန် အိမ်ရှင်များအား ဆွေးနွေးပြောကြားခဲ့ကြောင်း သိရသည်။
အားချာ
https://t.me/MyanmarNationalPost
No comments:
Post a Comment