MNP ၊ အောက်တိုဘာ ၇
ရခိုင်ပြည်နယ်၊သံတွဲခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ သံတွဲခရိုင် ၇လူထု အခြေပြုဗဟိုဌာန (Community Centre)၌ အမျိုးသမီးအဖွဲ့(Women Club) နှင့် စာဖတ်ဝိုင်းကို ယနေ့ နံနက် ၁၁ နာရီက အဆိုပါအဆောက်အဦအစည်းအဝေးခန်းမ၌ပြုလုပ်ခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ လက်ထောက်ညွှန်ကြားရေးမှူး ဒေါ်စန္ဒာကြည် က စာဖတ်ဝိုင်းပြုလုပ်ရသည့်ရည် ရွယ်ချက်များကို ရှင်းလင်းပြောကြားပြီး စာရေးဆရာမခင်စောတင့်ရေးသားသည့် “ဘဝအသစ်ရဲ့အစများ” ဆောင်းပါးမှ “မုသားစကား မဆိုချင်ပါ” အကြောင်း သိကောင်းစရာများကို ဖတ်ကြား ဆွေးနွေး ခဲ့သည်။
၎င်းနောက်စာဖတ်ဝိုင်းသို့တက်ရောက်လာကြသည့် ဒေါ်ခင်မူ က “ခလုတ်တိုက်မိတဲ့အခါ” ခေါင်းစဉ်ဖြင့်လည်းကောင်း ၊ ဒေါ်သင်းသင်းမာ က “ဘယ်သူမှန်ပါသလဲ”ဒေါ်ခင်ညိုရင်က “အမြင်ချင်းတော့မတူပါလေ”မမြတ်စုဟန်က “ကြွက်ကလေးပေးတဲ့သင်ခန်းစာ” ခေါင်းစဉ်များဖြင့် အသီးသီးဖတ်ကြားဆွေနွေးခဲ့ကြရာ လက်ထောက် ညွှန်ကြားရေးမှူး က ဖတ်ကြားဆွေးနွေးမှု များအပေါ် ပြန်လည် ခြုံငုံသုံးသပ်ဆွေးနွေးပေးခဲ့သည်။
ထို့အပြင် ပြန်ကြားရေးနှင့်ပြည့်သူ့ဆက်ဆံရေးဦးစီးဌာန ၊ သံတွဲခရိုင်ရုံးအနေဖြင့် ပြည်သူများ အသိပညာဗဟုသုတ ရရှိစေရန်ရည်ရွယ်၍ Talk Show များ၊အသိပညာပေး ဟောပြောပွဲများနှင့် ဆွေးနွေးပွဲ ၊ လူငယ်စကားဝိုင်းများကို စဉ်ဆက်မပြတ်ဆောင်ရွက်ပေးလျက် ရှိပါသည်။
သန့်ဇင်
https://t.me/MyanmarNationalPost
No comments:
Post a Comment