ဂါဇာရှိ ဒုက္ခသည် ၃၆၀,၀၀၀ ကျော်သည် ကူးစက်ရောဂါများ ကူးစက်ခံနေရ

ဒူဘိုင်း၊ ဒီဇင်ဘာ ၁၃

ဂါဇာကမ်းမြှောင်ရှိ ဒုက္ခသည်စခန်းများတွင် ကူးစက်ရောဂါဖြစ်ပွားမှု အနည်းဆုံး ၃၆၀,၀၀၀ ကို မှတ်တမ်းတင်ထားကြောင်း ကာတာနိုင်ငံမှ Al Jazeera ရုပ်သံလိုင်းက ပါလက်စတိုင်းကျန်းမာရေးဝန်ကြီးဌာနကို ကိုးကား၍ ဖော်ပြခဲ့သည်။

အစ္စရေး၏ စစ်ရေး ဆောင်ရွက်မှု ရလဒ်ကြောင့် ယာယီ တည်းခိုရာ နေရာများသည် လူ ၁.၉ သန်းခန့် လူများ ပြည့်ကျပ်နေ သည်ဟု သတင်း ထုတ်ပြန် ချက်တွင် ဖော်ပြထားသည်။

ကမ္ဘာ့ကျန်းမာရေးအဖွဲ့ (WHO) သည် ဒုက္ခသည်များကြားတွင် ဦးနှောက်အမြှေးရောင်ရောဂါ၊ ရေကျောက်၊ အသားဝါနှင့် အသက်ရှူလမ်းကြောင်းအပေါ်ပိုင်း ကူးစက်ရောဂါများကို မှတ်ပုံတင်ထားကြောင်း ကုလသမဂ္ဂ လူသားချင်းစာနာထောက်ထားမှုရေးရာ ညှိနှိုင်းရေးရုံး (OCHA) က ဖော်ပြခဲ့သည်။

ပါလက်စတိုင်းနယ်မြေ၏ မြောက်ပိုင်းတွင် ဆေးဘက်ဆိုင်ရာ အဆောက်အအုံတစ်ခုသာ ရှိပြီး အကန့်အသတ်ဖြင့်သာ လူနာများကို ဆက်လက်လက်ခံထားကြောင်း Al Jazeera မှ မှတ်ချက်ပြုခဲ့သည်။

တနင်္ဂနွေနေ့တွင် WHO ညွှန်ကြားရေးမှူးချုပ် Tedros Adhanom Ghebreyesus က ဂါဇာကမ်းမြှောင်ရှိ ကျန်းမာရေးစောင့်ရှောက်မှုစနစ်သည် ပျံ့နှံ့ကူးစက်နိုင်သော ရောဂါများ ပိုမိုဆိုးရွားနိုင်သည်ဟု ပြောကြားခဲ့သည်။ လက်ရှိ ဂါဇာကမ်းမြှောင်တွင် "ပျမ်းမျှအားဖြင့် လူ ၇၀၀ အတွက် ရေချိုးခန်းတစ်ခန်းနှင့် လူ ၁၅၀ တိုင်းအတွက် အိမ်သာတစ်လုံးရှိသည်" ဟု ၎င်းက ထောက်ပြခဲ့သည်။

Ref - TASS

https://t.me/MyanmarNationalPost