MNP ၊ ဒီဇင်ဘာ ၃၀
(၇၆)နှစ်မြောက် လွတ်လပ်ရေးနေ့ အထိမ်းအမှတ် အသိပညာပေးဟောပြောပွဲနှင့် လွတ်လပ်ရေးနေ့ အထိမ်းအမှတ် စာစီစာကုံးပြိုင်ပွဲ၊ ကဗျာပြိုင်ပွဲနှင့် ကျပန်းစကား ပြောပြိုင်ပွဲတို့တွင် ဆုရရှိခဲ့ကြသူများသည့် ကျောင်းသား၊ ကျောင်းသူများအား ဆုချီးမြှင့်ပွဲ အခမ်းအနားကို ယမန်နေ့ မွန်းလွဲပိုင်းက ရန်ကုန်တိုင်းဒေသကြီး၊ ထန်းတပင်မြို့နယ်ရှိ ရန်ကုန်အနောက်ပိုင်းတက္ကသိုလ်၊ ပင်မဆောင်ခန်းမတွင် ကျင်းပပြုလုပ်သည်။
အခမ်းအနားတွင် ရန်ကုန်အနောက်ပိုင်းတက္ကသိုလ် ပါမောက္ခချုပ် ဆရာမကြီး ဒေါက်တာ ခင်သီတာနှင့် ဒုတိယပါမောက္ခချုပ်ဆရာမကြီး ဒေါက်တာ သဇင်လွင်တို့က အမှာစကားများ အသီးသီး ပြောကြားခဲ့ကြပြီး (၇၆)နှစ်မြောက် လွတ်လပ်ရေးအထိမ်းအမှတ်အဖြစ် အသိပညာပေး ဟောပြောပွဲကို ကျင်းပပြုလုပ်ရာလည်း မြန်မာစာအထူးပြု မဟာတန်းမှ ဒုတိယနှစ်ကျောင်းသား မောင်အာကာမိုးက ထိန်းသိမ်းစို့လေ လွတ်လပ်ရေးအမွေ ခေါင်းစဉ်ဖြင့် တက်ရောက်လာကြသည့် ကျောင်းသား၊ ကျောင်းသူများအား အသိပညာပေး ဟောပြောခဲ့သည်။
ထို့နောက် စာစီစာကုံးပြိုင်ပွဲ၊ ကဗျာပြိုင်ပွဲနှင့် ကျပန်းစကား ပြောပြိုင်ပွဲများတွင် ဆုရရှိခဲ့ကြသည့် ကျောင်းသား၊ ကျောင်းသူများအား ပါမောက္ခချုပ်ဆရာမကြီး ဒေါက်တာခင်သီတာ၊ ဒုတိယပါမောက္ခချုပ် ဆရာမကြီး ဒေါက်တာသဇင်လွင်နှင့် မြို့နယ် စီမံအုပ်ချုပ်ရေးအဖွဲ့ဥက္ကဋ္ဌ ဦးနိုင်နိုင်ဦးတို့က ဆုများအသီးသီး ပေးအပ်ချီးမြှင့်ခဲ့ကြကြောင်းလည်း သိရသည်။
ဇင်မင်းထိုက်(ထန်းတပင်)
https://t.me/MyanmarNationalPost
No comments:
Post a Comment