MNP ၊ ဇန်နဝါရီ ၁၁
ကရင်သက္ကရာဇ် ၂၇၆၃ ခုနှစ်၊ ပြာသိုလဆန်း ၁ ရက်နေ့၌ကျရောက်သည့် (၈၆) နှစ်မြောက် ကရင်နှစ်သစ်ကူးပွဲတော်ကို မွန်ပြည်နယ်၊ ပေါင်မြို့နယ်၊ မုကျိကျေးရွာရှိမုကျိတိုက်ကျောင်းဘုန်းတော်ကြီးကျောင်း၌ ယနေ့ နံနက်ပိုင်းက မြို့နယ်အဆင့်အနေဖြင့် ကျင်းပခဲ့ကြောင်း သိရသည်။
နှစ်သစ်ကူးပွဲတော်ကျင်းပရာတွင် နံနက် အာရုဏ်တက်အချိန်၌ သံဃာတော်များအား ဆွမ်းဆက်ကပ်ပြီး တရားနာယူခြင်း၊ တက်ရောက်လာကြသည့် တိုင်းရင်းသားများစုပေါင်းကာ ကရင်အမျိုးသားအလံတော်ကို လွှင့်ထူအလေးပြုကြခြင်း၊ ဧည့်ခံကျွေးမွေးခြင်းများကို ပြုလုပ်ခဲ့ကြသည်။
ယင်းနောက် မြို့နယ်ကရင်စာပေနှင့်ယဉ်ကျေးမှုအဖွဲ့မှဦးဆောင်ကာ ပေါင်မြို့နယ်အတွင်းရှိ အသက်(၈၀)နှစ်နှင့်အထက် ကရင်တိုင်းရင်းသား သက်ကြီးဘိုးဘွားများအား ပူဇော်ကန်တော့ကြကာ ၂၀၂၂-၂၀၂၃ ပညာသင်နှစ် တက္ကသိုလ်ဝင်တန်းစာမေးပွဲကို ထူးချွန်စွာအောင်မြင်ခဲ့ကြသူများအား ဂုဏ်ပြုဆုများ ပေးအပ်ချီးမြှင့်ခဲ့ကြသည်။
အဆိုပါနှစ်သစ်ကူးပွဲတော်ကျင်းပရာသို့ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဦးထင်လင်းအောင်
နှင့် အဖွဲ့ဝင်များ ၊ ဌာနဆိုင်ရာများ တက်ရောက်ခဲ့ကြရာ တိုင်းရင်းသားရိုးရာ ဒုံးယိမ်းအကများဖြင့် ဧည့်ခံဖျော်ဖြေမှုများကို ကြည့်ရှု အားပေးခဲ့ကြသည်။ထို့ပြင်ပေါင်မြို့နယ်အတွင်းရှိ နေရာဒေသများတွင်လည်း ဒုံးယိမ်းအကများအပြင် အကျွေးအမွေးများဖြင့် စည်းကားလျက်ရှိကြောင်းသိရသည်။
မွန်မလေး(ပြန်/ဆက်)
https://t.me/MyanmarNationalPost
No comments:
Post a Comment