MNP ၊ ဖေဖော်ဝါရီ ၁၉
သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန၊ ရှမ်းပြည်နယ်အရှေ့ပိုင်း၊ တာချီလိတ်ခရိုင် အသေးစားစက်မှုလက်မှုလုပ်ငန်းဦးစီးဌာနမှ လူသုံးကုန်လုပ်ငန်းများ ဖွံ့ဖြိုးတိုးတက်စေရန် လူသုံးကုန်ထုတ်လုပ်မှုနည်းပညာသင်တန်းဖွင့်ပွဲအား ယနေ့ နံနက် ၁၀ နာရီက တာချီလိတ်ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန (Community Centre) ခန်းမ၌ ကျင်းပပြုလုပ်ခဲ့သည်။
သင်တန်းတွင် တာချီလိတ်ခရိုင် အသေးစားစက်မှုလက်မှုလုပ်ငန်းဦးစီးဌာနမှ ဦးစီးအရာရှိ ဦးကျော်နိုင်ဦးမှ တစ်ပိုင်တစ်နိုင် စီးပွားရေးလုပ်ငန်းများ ဖွံ့ဖြိုးတိုးတက်စေရန်၊ မိသားစုဝင်ငွေ တိုးတက်စေရန်နှင့် သွင်းကုန်အစားထိုး လူသုံးကုန်လုပ်ငန်းများ ဖွံ့ဖြိုးတိုးတက်စေရန်ရည်ရွယ်၍ လူသုံးကုန်ထုတ်လုပ်မှုနည်းပညာ သင်တန်းအား ဖွင့်လှစ်ရခြင်းဖြစ်ကြောင်း ရှင်းလင်းပြောကြားသည်။
အဆိုပါ သင်တန်းအား (၁၉-၂-၂၀၂၄) ရက်မှ (၂၃-၂-၂၀၂၄) ရက်နေ့အထိ ၅ ရက်ကြာ ဖွင့်လှစ်သွားမည်ဖြစ်ပြီး သင်တန်းသား/သင်တန်းသူ ၂၀ ဦးတို့အား အိမ်သုံးဆပ်ပြာရည်၊ လက်ဆေးဆပ်ပြာ၊ ရေချိုးဆပ်ပြာ၊ မျက်နှာသစ်ဆပ်ပြာစသည့် ဆပ်ပြာပြုလုပ်နည်းများအပြင် ခေါင်းလျှော်ရည်၊ လက်သန့်ဆေးရည်၊ ပရုပ်ဆီ စသည်ဖြင့် လူသုံးကုန်ပစ္စည်းအမျိုးအစားပေါင်း (၁၃) မျိုးအား စာတွေ့လက်တွေ့ အခမဲ့သင်ကြားပို့ချပေးသွားမည်ဖြစ်ကြောင်း သိရှိရသည်။
အေးအေးလတ်
https://t.me/MyanmarNationalPost
No comments:
Post a Comment