MNP ၊ ဖေဖော်ဝါရီ -၂၉
ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ် ပြည်သူ့အားကစားကွင်း ခန်းမတွင် ယမန်နေ့နေ့လယ်ပိုင်းက အားကစားနှင့်လူငယ်ရေးရာဝန်ကြီးဌာန၊ ပြည်ခရိုင်အားကစားနှင့် ကာယပညာ ဦးစီးဌာန၏ ကြီးကြပ်မှုဖြင့် ဖွင့်လှစ်သော မြန်မာ့သိုင်း သင်တန်း ဆင်းပွဲ အခမ်းအနားကျင်းပခဲ့သည်။
အခမ်းအနားတွင် ပြည်ခရိုင်အားကစားနှင့် ကာယပညာဦးစီးဌာန၊လက်ထောက်ညွှန်ကြားရေးမှူး ဒေါ်မြမြခိုင်က သင်တန်းဆင်းအမှာစကားပြောကြားပြီး သင်တန်းသား / သင်တန်းသူများက မြန်မာ့သိုင်း ( ရှမ်းအိုးစည်) သရုပ်ပြ ၊မြန်မာ့သိုင်း ( အလှပြ) သရုပ်ပြ ၊မြန်မာ့သိုင်း ( အတိုက်) သရုပ်ပြ ၊ ၊မြန်မာ့သိုင်း ( ဟန်ရေးပြ(၆၃)မောင်း) သရုပ်ပြ တို့ဖြင့် သရုပ်ပြသခဲ့ကြပြီး သင်တန်းနည်းပြဆရာများနှင့် ဆုရသင်တန်းသား / သင်တန်းသူများကို ဂုဏ်ပြုဆုများအသီးသီး ချီးမြှင့်ခဲ့ကြသည်။
အဆိုပါ သင်တန်းကို ရွှေတောင်မြို့နယ် ပြည်သူ့အားကစားကွင်းနှင့် အထက(ခွဲ)ကံသုံးဆင့်ကျောင်းတို့၌ ဖေဖော်ဝါရီလ (၁၃ ) ရက်နေ့မှ (၂၇)ရက်နေ့ထိ ဖွင့်လှစ်ခဲ့ပြီး သင်တန်းသား / သင်တန်းသူ ( ၇၀) ဦး တက်ရောက်ခဲ့ကြကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment