MNP ၊ ဖေဖော်ဝါရီ ၂၀
မွန်ပြည်နယ်၊ပေါင်မြို့နယ်၌ ပြန်ကြားရေးနှင့်ပြည်သူဆက်ဆံရေးဦးစီးဌာန နှင့် စာပေချစ်သူများအသင်း(Book Club)တို့ ပူးပေါင်း၍ ခင်စောတင့်ရေးသားသည့် စွန့်စားမှုဆီသို့ခြေတစ်လှမ်းနှင့်အတွေးအမြင်စာစုများ
စာအုပ်ဖြင့် စာဖတ်ဝိုင်းဆွေးနွေးပွဲကို ယနေ့ မွန်းလွဲ( ၁ )နာရီက မြို့နယ်ရုံးလူထုအခြေပြုဗဟိုဌာန ၌ကျင်းပပြုလုပ်ခဲ့သည်။
စာဖတ်ဝိုင်းတွင် မြို့နယ်ဦးစီးအရာရှိဒေါ်တင်ဇာစိုး ကစာဖတ်ဝိုင်းပြုလုပ်ရသည့်ရည်ရွယ်ချက်ကို ရှင်းလင်းပြောကြားပြီး စာပေချစ်သူများအသင်း အဖွဲ့ဝင် ဒေါ်ဝင်းဝင်းခိုင် က သိုက်မြုံမှခွာသောအခါ နှင့်ရှူမဆုံးတော့သည် ခေါင်းစဉ်ကိုလည်းကောင်း၊အဖွဲ့ဝင် ဦးလင်း က မွေးမေမေနှင့်ကျွေးမေမေ နှင့် ထိုတစ်ည ခေါင်းစဉ်ကိုလည်းကောင်း၊ဆရာမဒေါ်ခင်မျိုးအေး က ပန်းဥယျာဉ်အတွင်းဝယ်နှင့် နှုတ်ဆက်ခွဲခွာခေါင်းစဉ်တို့ ကို ဆွေးနွေးပြောကြားကြရာ တက်ရောက်လာကြ သူများက သိလိုသည်များကိုပြန်လည်မေးမြန်းခဲ့ပြီး ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှပြသထားသည့်နံရံကပ်စာစောင်များကြည့်ရှုခဲ့ကြသည်။
အဆိုပါစာဖတ်ဝိုင်း ဆွေးနွေးပွဲများကိုဆောင်ရွက်ခြင်းဖြင့် လူငယ်လူရွယ်များ စာဖတ်သည့်အလေ့အကျင့်များရရှိစေရန်၊စာဖတ်ခြင်းဖြင့်အမှားအမှန်ကိုဝေဖန်ပိုင်းခြားတတ်စေရန်၊အစုအဖွဲ့အတွင်းပါဝင်ဆွေးနွေးတတ်သည့်အလေ့အကျင့်များရရှိစေရန်ရည်ရွယ်၍ပြုလုပ်ရခြင်းဖြစ်ကြောင်းသိရသည်။
မွန်မလေး
https://t.me/MyanmarNationalPost
No comments:
Post a Comment