MNP ၊ ဖေဖေါ်ဝါရီ ၂၃
ရခိုင်ပြည်နယ် ၊ တောင်ကုတ်ခရိုင် ၊ တောင်ကုတ်မြို့နယ်တွင် အခြေခံပညာကျောင်းများ၏ ၂၀၂၃-၂၀၂၄ ပညာသင်နှစ်၊ Grade-5 နှင့် Grade-9 စာမေးပွဲများကို ယနေ့နံနက်(၉)နာရီအချိန်တွင် စာစစ်ဌာနများ အလိုက်ကျင်းပလျက်ရှိရာ အင်္ဂလိပ်စာ ဘာသာရပ်ကို အေးချမ်းစွာဖြေဆိုလျက်ရှိကြောင်းသိရသည်။
တောင်ကုတ်မြို့နယ်တွင် Grade-5 အတန်း၌ ဖြေဆိုရန်စာရင်းရှိ ၂၈၆၄ ဦးရှိသည့်အနက် ၂၆၄၆ ဦးက ဝင်ရောက်ဖြေဆိုခဲ့ပြီး ၊ Grade-9 အတန်း၌ ဖြေဆိုရန်စာရင်းရှိ ၁၈၇၉ ဦးရှိသည့်အနက်ဖြေဆိုသူစုစုပေါင်း ၁၇၅၇ ဦးရှိကြောင်း မြို့နယ်ပညာရေးမှူးရုံးမှသိရသည်။
ကျောင်းသား ၊ ကျောင်းသူများ၏ အေးချမ်းစွာ စာမေးပွဲဖြေဆိုနေမှုများကို ခရိုင်စီမံအုပ်ချုပ်ရေးအဖွဲ့ ဥက္ကဌ ဦးကျော်မြင့်လှိုင် နှင့် အဖွဲ့ က စာစစ်ဌာနများသို့သွားရောက်ကြည့်ရှုစစ်ဆေးခဲ့ကြောင်းသိရသည်။
https://t.me/MyanmarNationalPost
No comments:
Post a Comment