သဲကုန်း ၊ မတ် ၁၁
ပဲခူးတိုင်းဒေသကြီး၊ နတ်တလင်းခရိုင်၊ သဲကုန်းမြို့နယ်အတွင်းရှိ စာစစ်ဌာန (၄) ခုတွင် ၂၀၂၃-၂၀၂၄ ပညာသင်နှစ်၊ တက္ကသိုလ်ဝင်စာမေးပွဲပထမနေ့အဖြစ် မြန်မာစာဘာသာရပ်အား ကျောင်းသား၊ ကျောင်းသူများ အေးချမ်းပျော်ရွှင်စွာ စတင်ဖြေဆိုလျက်ရှိကြောင်း သိရသည်။
သဲကုန်းမြို့နယ်တွင် စာစစ်ဌာန (၄) ခုရှိ၍ တက္ကသိုလ်ဝင် စာမေးပွဲဖြေဆိုခွင့်ရှိသူ အတွင်းအပြင်စုစုပေါင်း (၅၄၂) ဦးရှိသည့်အနက် လာရောက်ဖြေဆိုသူ ကျောင်းသား (၂၂၉) ဦး၊ ကျောင်းသူ (၁၈၃) ဦး၊ ဖြေဆိုသူ စုစုပေါင်း (၅၁၂) ဦးရှိပြီး ဖြေဆိုရန်ပျက်ကွက်သူ ကျောင်းသား/ ကျောင်းသူ (၃၀) ဦး၊ ဖြေဆိုမှု (၉၄.၄၆) ရာခိုင်နှုန်းရှိပြီး ပျက်ကွက်မှု (၅.၅၄) ရာခိုင်နှုန်းရှိကြောင်း မြို့နယ်ပညာရေးမှူးရုံးမှ သိရသည်။
သဲကုန်းမြို့နယ်အတွင်းရှိ စစ်ဌာန (၄) ခုတွင် ကျောင်းသား၊ ကျောင်းသူများ အေးချမ်းလုံခြုံစွာ စာမေးပွဲဖြေဆိုနိုင်ရေးအတွက် မြို့နယ်စီမံအုပ်ချုပ်ရေးအဖွဲ့ ဦးယဥ်ထွေးနှင့်အဖွဲ့ဝင်များ၊ မြို့နယ်မီးသတ်ဦးစီးဌာနမှ တပ်ဖွဲ့ဝင်များ၊ မြို့နယ်ရဲတပ်တပ်ဖွဲ့ဝင်များ၊ ဌာနဆိုင်ရာ တာဝန်ရှိသူများနှင့် ကျောင်းသားမိဘများက ပူးပေါင်းပါဝင်ဆောင်ရွက်ပေးလျက်ရှိကြောင်း သိရှိရသည်။
ကိုကျော်
https://t.me/MyanmarNationalPost
No comments:
Post a Comment