ရွှေတောင် မတ်၂၅
ပဲခူးတိုင်းဒေသကြီး၊ပြည်ခရိုင်၊ရွှေတောင်မြို့နယ်၊ ဇီးကျွန်းကျေးရွာအုပ်စု၊ မင်းကြီးကုန်းကျေးရွာတွင် ၂၂-၃-၂၀၂၄ ရက်နေ့က မီးလောင်မှုဖြစ်ပွားခဲ့သည့်လူနေအိမ် ( ၅) လုံးအား ယနေ့ နံနက်ပိုင်းကထောက်ပံ့ငွေ နှင့် ပစ္စည်းများပေးအပ်ခဲ့သည်။
အဆိုပါ မီးလောင်မှုဖြစ်ပွားခဲ့သည့် လူနေအိမ် (၅) လုံး ၊ အိမ်ထောင်စု ( ၅) စုအား ရွှေတောင်မြို့နယ် စီမံအုပ်ချုပ်ရေးအဖွဲ့ဥက္ကဌ ဦးဟံဝင်းအောင်၏ ကြီးကြပ်မှုဖြင့် မြို့နယ်အထွေထွေအုပ်ချုပ်ရေးဦးစီးဌာန၊ ပြည်ခရိုင် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ဒုတိယညွှန်ကြားရေးမှူး ဒေါ်တင်တင်ချိုနှင့် မြို့နယ်ကြက်ခြေနီတပ်ဖွဲ့ဝင်များ၊ဇီးကုန်းကျေးရွာအုပ်စုအုပ်ချုပ်ရေးမှူးတို့ပါဝင်သောအဖွဲ့ဖြင့် ပြည်ခရိုင် ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနမှ ထောက်ပံ့ပေးအပ်သော တစ်အိမ်ထောင်လျှင် ပစ္စည်း ( ၁၆) မျိုးပါပုံး ( ၁) ပုံးစီ၊ မီးလောင်ပျက်စီးခဲ့သည့်သွပ်မိုး၊ပျဥ်ထောင်( ၂) အိမ်အတွက် (၁)အိမ်လျှင် အိမ်ဆောက်ပစ္စည်းဖိုး (၂၀၀၀၀၀ိ/-)ကျပ်နှုန်း၊သွပ်မိုး၊ ထရံကာ (၃) အိမ်အတွက် (၁)အိမ်လျှင် အိမ်ဆောက်ပစ္စည်းဖိုး (၁၀၀၀၀၀ိ/-)ကျပ်နှုန်း၊လူတစ်ဦးလျှင် ဆန်ရိက္ခာဖိုး ( ၂၁၀၀ိ/-) နှုန်းဖြင့်( ၂၄) ဦးစာအတွက် ဆန်ရိက္ခာဖိုးထောက်ပံ့ငွေ (၅၀၄၀၀ိ/-)ကျပ် စုစုပေါင်း အိမ်ဆောက်ပစ္စည်းဖိုးနှင့် ဆန်ရိက္ခာဖိုး ထောက်ပံ့ငွေ ( ၇၅၀၄၀၀ိ/-)ကျပ်အားထောက်ပံ့ပေးအပ်ခဲ့ပြီး မြို့နယ်ကြက်ခြေနီအဖွဲ့မှ အိမ်ထောင်စု တစ်စုလျှင် Hygiene Kit တစ်ကိုယ်ရည်သန့်ရှင်းရေးသုံးပစ္စည်း (၁၉) မျိုးပါ ပုံး( ၁) ပုံး၊ တာပေါ်လင်စ( ၁) စ၊ စောင်( ၂) ထည်၊ဒန်အိုးရေခွက်တို့အား မီးဘေးသင့်ပြည်သူ များ၏လက်ဝယ်အရောက် သွားရောက် ထောက်ပံ့ပေးအပ်ခဲ့ကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment