သံတောင်ကြီး မတ် ၂၀
သံတောင်ကြီးမြို့နယ်သည် တောင်ပေါ်ဒေသဖြစ်သည့်အားလျော်စွာ ဒေသခံများအနေဖြင့် သောက်သုံးရေများကို တောတောင်များမှ ထွက်ရှိသည့် စိမ့်စမ်းရေကို အဓိကသွယ်ယူသုံးစွဲကြရသည်။
ထိုသို့ သွယ်ယူရာတွင် မြေအနေအထား၊ အကွာအဝေးအပေါ် မူတည်၍ ကုန်ကျစရိတ်လည်း များပြားပြီး အခက်အခဲများ ရှိသည့်အတွက် မြို့နယ်ကျေးလက်ဖွံ့ဖြိုးတိုးတက်ရေးဦးစီးဌာနအနေဖြင့် ၂၀၂၃-၂၀၂၄ ဘဏ္ဍာရေးနှစ်အတွင်း သံတောင်ကြီးမြို့နယ်အတွင်းရှိ ဒေသခံပြည်သူများ သောက်သုံးရေ အဆင်ပြေစေရေးလုပ်ငန်းများ ဆောင်ရွက်ပေးနိုင်ခဲ့ကြောင်း တာဝန်ရှိသူတစ်ဦးထံမှ သိရသည်။
အဆိုပါ သောက်သုံးရေသွယ်တန်းခြင်း လုပ်ငန်းကို ကရင်ပြည်နယ်အစိုးရအဖွဲ့၏ ၂၀၂၃-၂၀၂၄ ဘဏ္ဍာရေးနှစ် ဖြည့်စွက်ရန်ပုံငွေကျပ် (၈၇) သိန်းဖြင့် မြို့နယ်ကျေးလက်ဖွံ့ဖြိုးတိုးတက် ရေးဦးစီးဌာနက ဆောင်ရွက်ပေးခဲ့ခြင်းဖြစ်ပြီး မတ်လဒုတိယပတ်အတွင်း ရွှေညောင်ပင်ကျေးရွာအတွက် (၁)လက်မ GI (သံပိုက်) ပေ(၁၄၀၀)သွယ်တန်းခြင်းနှင့် မော်တာပန့်တပ်ဆင်ခြင်းလုပ်ငန်းများ ဆောင်ရွက်ပြီးစီးခဲ့ရာ ကျေးရွာအတွင်းရှိ အိမ်ခြေ(၁၇၁) အိမ်လူဦးရေ (၈၇၀)ဦးအတွက် သောက်သုံးရေလွယ်ကူစွာရရှိနိုင်ပြီဖြစ်ကြောင်း မြို့နယ်ကျေးလက်ဖွံ့ဖြိုးတိုးတက်ရေး ဦးစီးဌာန မြို့နယ်ဦးစီးမှူးဦးဇော်မင်းဦးက ပြောသည်။
နော်နော်မူ
https://t.me/MyanmarNationalPost
No comments:
Post a Comment