MNP ၊ မတ် ၁၂
ပဲခူးတိုင်းဒေသကြီး ၊ပြည်ခရိုင်၊ ရွှေတောင်မြို့နယ်တွင် စာစစ်ဌာန(၄)ခု၌ တက္ကသိုလ်ဝင်စာမေးပွဲ ဒုတိယနေ့ အဖြစ် အင်္ဂလိပ်စာဘာသာရပ်အား စိတ်အေးချမ်းသာစွာ ဆက်လက်ဖြေဆိုလျက်ရှိကြောင်းသိရသည်။
ရွှေတောင်မြို့နယ်အတွင်းရှိ စာစစ်ဌာန (၄ )ခုတို့တွင် တက္ကသိုလ်ဝင်စာမေးပွဲ ဒုတိယနေ့ အင်္ဂလိပ်စာ စာမေးပွဲ ကိုကျောင်းသား( ၁၆၁)ဦး၊ကျောင်းသူ (၂၂၄ )ဦး ၊စုစုပေါင်း (၃၈၅ ) ဦး ဖြေဆိုခဲ့ကြပြီး ရွှေတောင်မြို့နယ်ချုပ်အနေဖြင့် ဖြေဆိုမှုရာခိုင်နှုန်း ၉၆.၉၈ ရာခိုင်နှုန်းရှိရာ ကျောင်းသား ၊ကျောင်းသူများ တည်ငြိမ်အေးချမ်းစွာ ဖြေဆိုနိုင်ရေး အတွက် ခရိုင်/မြိုနယ်ပညာရေးမှူးများ၏ကြီးကြပ်မှုဖြင့်စာစစ်ဌာနကြီးကြပ်ရေးမှူးများ၊ သက်ဆိုင်ရာကျောင်းများမှ ကျောင်းအုပ်ကြီးများ၊ တာဝန်ကျဆရာ၊ ဆရာမများ က အနီးကပ်စစ်ဆေးဆောင်ရွက်ပေးလျက်ရှိကြောင်း မြို့နယ်ပညာရေးမှူးရုံးမှသိရသည်။
အဆိုပါ ကျောင်းသား၊ကျောင်းသူ များ ယာဥ်အန္တရာယ် ကင်းရှင်းရေး၊လုံခြုံရေး၊ကျန်းမာရေး စောင့်ရှောက်မှုများအတွက် ဌာနဆိုင်ရာအကြီးအကဲများ ၊ရဲတပ်ဖွဲ့ဝင်များ၊မီးသတ်တပ်ဖွဲ့ဝင်များ၊ပရဟိတအသင်းအဖွဲ့များ၊ရပ်ကွက်အုပ်ချုပ်ရေးမှူး နှင့် အဖွဲ့ဝင်များ၊ ကျောင်းအကျိုးဆောင်များမှ သက်ဆိုင်ရာ ကဏ္ဍအလိုက် ဝိုင်းဝန်းကူညီဆောင်ရွက်ပေးလျက်ရှိကြောင်းသိရသည်။
ကိုကိုမင်း
https://t.me/MyanmarNationalPost
No comments:
Post a Comment