၂၀၂၄ ခုနှစ် နှစ်(၅၀)ပြည့် ရွှေရတုမွန်ပြည်နယ်နေ့ကို ကြိုဆိုဂုဏ်ပြုသောအားဖြင့် မော်လမြိုင်မြို့နယ် ရိုးဂိုးအုပ်စု၊ သာမညစင်္ကြာတောင်လမ်း ကွန်ကရစ်လမ်းသစ်ဖွင့်ပွဲအခမ်းအနား မွန်ပြည်နယ်ဝန်ကြီးချုပ် တက်ရောက်ဖွင့်လှစ်

 

မော်လမြိုင် မတ် ၁၇

၂၀၂၄ ခုနှစ် မတ်လ ၁၉ ရက်နေ့တွင် ကျရောက်မည့် နှစ်(၅၀)ပြည့် ရွှေရတုမွန်ပြည်နယ်နေ့ကို ကြိုဆိုဂုဏ်ပြုသောအားဖြင့် ၂၀၂၃ - ၂၀၂၄ ဘဏ္ဍာရေးနှစ် ပြည်နယ်ငွေလုံးငွေရင်းရန်ပုံငွေဖြင့် ဆောင်ရွက်သည့် မော်လမြိုင်မြို့နယ်၊ ရိုးဂိုးကျေးရွာအုပ်စု၊ သာမညစင်္ကြာတောင်လမ်း ကွန်ကရစ်လမ်းသစ်ဖွင့်ပွဲ အခမ်းအနားကို ယ​နေ့နံနက်ပိုင်းက ​မော်လမြိုင်မြို့နယ်၊ ရိုးဂိုးကျေးရွာ၌ ကျင်းပပြုလုပ်ခဲ့သည်။

ရှေးဦးစွာ မွန်တိုင်းရင်းသား လှပျိုဖြူ​လေးများက မွန်ယိမ်းအကဖြင့် ဂုဏ်ပြုကပြဖျာ်​ဖြေတင်​​ဖျော်​ဖြေတင်ဆက်ခဲ့ကြပြီး ပြည်နယ်ဝန်ကြီးချုပ်က မွန်ပြည်နယ်အတွင်း ကျေးလက်​နေပြည်သူများ၏ လူ​နေမှုစီးပွားဘဝတိုးတက်မြင့်မားလာ​စေ​ရေးနှင့် မြို့ပြကျေးလက်ဟန်ချက်ညီညီ ဖွံ့ဖြိုးတိုးတက်လာ​စေ​ရေးတို့အတွက် ဦးစား​ပေးကဏ္ဍအ​နေဖြင့် ​ဆောင်ရွက်​ပေးလျက်ရှိ​ကြောင်း၊ ​ဒေသဖွံ့ဖြိုးတိုးတက်ရေးအတွက် လမ်းပန်းဆက်သွယ်​ရေး ကောင်းမွန်ခြင်းသည် အဓိကအရေးကြီးတဲ့အချက်ဖြစ်​ပြီး ယခုကွန်ကရစ်လမ်းသစ် ဖောက်လုပ်ဆောင်ရွက်​ပေးခြင်းဖြင့် ​အနယ်နယ်အရပ်ရပ်မှ ဘုရားဖူးဧည့်သည်များ စိတ်​အေးချမ်းမြေ့စွာနှင့် လွယ်ကူချောမွေ့စွာ သွားလာနိုင်မည်ဖြစ်သည့်အပြင် စက်မှုကုန်ကြမ်းဖြစ်တဲ့ ရော်ဘာထုတ်ကုန်များ သယ်ယူပို့ဆောင်ရာ လမ်းဖြစ်သည့်အတွက် ဒေသနေပြည်သူများ၏ လူနေမှုစီးပွားဘဝတိုးတက်မြင့်မား​စေ​ရေး အ​ထောက်အကူပြုနိုင်မည်ဖြစ်​ကြောင်း၊ ဒေသခံပြည်သူများအ​နေဖြင့် လမ်း၊ တံတားများ ရေရှည်တည်တံ့ခိုင်မြဲစေရေးအတွက် ဝိုင်းဝန်းထိန်းသိမ်းစောင့်ရှောက်ကြရန်နှင့် မိမိတို့​ဒေသဖွံ့ဖြိုးတိုးတက်​စေ​ရေး ကိစ္စရပ်များကိုလည်း အစဉ်တစိုက် ဝိုင်းဝန်း​ပူး​ပေါင်းပါဝင်ဆောင်ရွက်​ပေးကြရန် လိုအပ်ပါကြောင်းဖြင့် အမှာစကား ပြောကြားခဲ့သည်။

ဆက်လက်ပြီး ဒေသခံပြည်သူတစ်ဦးမှ ​သာမညစင်္ကြာတောင်လမ်း ကွန်ကရစ်လမ်းသစ်အား ဖောက်လုပ်​ဆောင်ရွက်​ပေးမှုအ​ပေါ် ကျေးဇူးတင်ဝမ်း​မြောက်စကား ပြန်လည်​ပြောကြားခဲ့ကာ ပြည်နယ်​ကျေးလက်လမ်းဖွံ့ဖြိုးတိုးတက်​ရေးဦးစီးဌာန၊ ညွှန်ကြား​ရေးမှူးမှ ကွန်ကရစ်လမ်းသစ်ဖွင့်ပွဲအထိမ်းအမှတ် အမှတ်တရလက်​ဆောင်ပစ္စည်းများ​ ပေးအပ်ခဲ့သည်။

အဲဒီ​နောက် ပြည်နယ်ဝန်ကြီးချုပ်၊ ပြည်နယ်တရားလွှတ်တော်တရားသူကြီးချုပ်နှင့် ပြည်နယ်ဝန်ကြီးတို့က မော်လမြိုင်မြို့နယ်၊ ရိုးဂိုးကျေးရွာအုပ်စု၊ သာမညစင်္ကြာတောင်လမ်း ကွန်ကရစ်လမ်းသစ်အား ဖဲကြိုးဖြတ်၍ ဖွင့်လှစ်ပေးခဲ့ပြီး ကွန်ကရစ်လမ်းသစ်အား လှည့်လည်ကြည့်ရှုခဲ့ကြကာ ပြည်နယ်ဝန်ကြီးချုပ်က ​လမ်းဖွင့်ပွဲအခမ်းအနားတွင် ဂုဏ်ပြု​ဖျော်ဖြေတင်ဆက်​ပေးခဲ့ကြသည့် မွန်းယိမ်းအကအဖွဲ့၊ ဘင်ခရာနှင့် ပန်းပွားအဖွဲ့တို့အား ဂုဏ်ပြုဆုငွေများ ပေးအပ်ချီးမြှင့်ခဲ့ပြီး ဒေသခံပြည်သူများအား ရင်းရင်းနှီးနှီး လိုက်လံနှုတ်ဆက်ခဲ့ကြောင်း သိရှိရသည်။

စည်သူ

https://t.me/MyanmarNationalPost