ပေါင် မတ် ၁၄
မွန်ပြည်နယ်၊ ပေါင်မြို့နယ်ပြန်ကြားရေးနှင့် ပြည်သူ့ ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာန Community Centre ခန်းမတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် အားကစားနှင့်ကာယပညာဦးစီးဌာန တို့ ပူးပေါင်း၍ ယနေ့ နံနက်( ၉ )နာရီက ရိုးရာခြင်းခတ်နည်းသင်တန်းကို ကျင်းပပြုလုပ်ခဲ့သည်။
သင်တန်းဖွင့်ပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်တင်ဇာစိုး က လူငယ်လူရွယ်များအနေဖြင့် နွေရာသီ ကျောင်းပိတ်ရက်တွင် အချိန်ကိုအကျိုးရှိစွာ ဖြင့် အသိပညာ၊အတတ်ပညာများကို လေ့လာသင်ယူသင့်ကြောင်းနှင့် သင်တန်းဖွင့်လှစ်ရခြင်း ရည်ရွယ်ချက်များကို ရှင်းလင်းပြောကြားခဲ့သည်။
ထို့နောက် နည်းပြဆရာ ဦးကျော်ရဲအောင်က ရိုးရာခြင်းခတ်ရာတွင် အထိ (၆)ချက်ဖြစ်သည့် ခြေဖျား၊ခြေခွင်၊ဒူး၊ ဘေးဖဝါး၊ဘေးဖနောင့်၊ဘေးဖမျက်၊ထပ်ခြေဖျား၊ထပ်ခြေခွင်၊ထပ်ဒူး စသည့် အခြေခံ ခြင်းခတ်နည်းများကို မတ်လ (၁၄)ရက်နေ့မှ(၂၀)ရက်နေ့ထိ (၇)ရက်ကြာသင်ကြားပေးသွားမည်ဖြစ်ကြောင်းသိရသည်။
မွန်မလေး
https://t.me/MyanmarNationalPost
No comments:
Post a Comment