ပေါင် ၊ ဧပြီ ၂၉
မွန်ပြည်နယ်၊ပေါင်မြို့နယ်၌ ၌အခြေခံဘင်ခရာသင်တန်း (၂/၂၀၂၄)နှင့်အခြေခံရှေးဦးပြုစုခြင်းသင်တန်းဆင်းပွဲကိုယနေ့နံနက် ( ၁၀ ) နာရီက (အထက) ဇင်းကျိုက် ၌ ပြုလုပ်ခဲ့သည်။
ရှေးဦးစွာပြည်နယ်ကြက်ခြေနီသူနာပြုပြည်နယ်တပ်ဖွဲ့မှူးဦးကျော်မြင့် က ရှေးဦးပြုစုခြင်းဘာသာရပ်ဆိုတာ ယခင်ကတစ်အိမ်လျှင်တစ်ယောက်တတ်မြောက်ထားရမည်ဖြစ်ပါကြောင်း၊ယခုအချိန်တွင်လူတိုင်းတတ်
မြောက်ရမည်ဖြစ်သည့်အတွက်လူတိုင်းတတ်မြောက်အောင်သင်ကြားကြဖို့လိုအပ်ပါကြောင်းအမှာစကားပြောကြားသည်။
ဆက်လက်၍ မြို့နယ်စီမံအုပ်ချုပ်ရေးအဖွဲ့ ဥက္ကဌ ဦးထင်လင်းအောင် က ဘင်ခရာသင်တန်းများဖွင့်လှစ်ခြင်းဖြင့် လူငယ်တွေအနေဖြင့် အတွေးအခေါ်မြင့်မားလာမည်ဖြစ်ပါကြောင်း ရှေးဦးပြုစုခြင်းသင်တန်းကိုတက်မြောက်ခြင်းဖြင့် လူပေါင်းများစွာ၏အသက်ကိုကယ်နိုင်မည်ဖြစ်ပါကြောင်း ၊လူတိုင်းမတတ်သည့်တိုင် တစ်အိမ်လျှင် တစ်ဦးလောက်တော့ တတ်သိနားလည်ထားရမည်ဖြစ်ပါကြောင်းအမှာစကားပြောကြားသည်။
ထို့နောက် ပေါင်မြို့နယ်ကြက်ခြေနီအသင်းခွဲ ဥက္ကဌ ဦးအောင်မင်းနိုင် ကရှေးဦးပြုခြင်းတက်မြောက်ထားသည့်အတွက် မတော်တစ်ဆဖြစ်ပွားသည့်ဒဏ်ရာများပြားခြင်း၊ သဘာဝဘေးအန္တရာယ်ကြုံတွေ့လာ၍အရေးပေါ်အခြေအနေများတွင် ရှေးဦးပြုခြင်းပညာဖြင့် အသုံးချ၍သက်ဆိုင်ရာ ဆေးရုံ၊ဆေးခန်းသို့ အချိန်မီရောက်ရှိအောင်ဆောင်ရွက်နိုင်ပါကြောင်းပြောကြားခဲ့သည်။
( အထက )ဇင်းကျိုက်ကျောင်းအုပ်ဆရာမကြီး ဒေါ်မြင့်မြင့်ဌေးက ကျေးဇူးတင်စကားပြောကြားပြီး သင်တန်းတွင်ထူးချွန်စွာအောင်မြင်ခဲ့သည့် သင်တန်းသား၊သင်တန်းသူများအား ဆုများနှင့်သင်တန်းဆင်းလက်မှတ်များကိုတာဝန်ရှိသူများက ပေးအပ်ခဲ့ကြောင်းသိရသည်။
မွန်မလေး
https://t.me/MyanmarNationalPost
No comments:
Post a Comment