ချုံချင့်၊ ဧပြီ ၃
မြန်မာကောင်စစ်ဝန်ချုပ်ရုံး၊ ချုံချင့်မြို့မှ ကောင်စစ်ဝန်ချုပ် ဦးသွင်ထက်လင်းသည် ၂-၄-၂၀၂၄ ရက်နေ့၊ ၁၀:၃၀ နာရီတွင် ကောင်စစ်ဝန်ချုပ်ရုံး၌ ချုံချင့်နေ့စဉ်သတင်းဌာနနှင့် တွေ့ဆုံမေးမြန်းသည့် အစီအစဉ်တစ်ရပ်ကို ပြုလုပ်ခဲ့ကြောင်း သိရသည်။
တွေ့ဆုံမေးမြန်းမှုတွင် ကောင်စစ်ဝန်ချုပ်က ချုံချင့်မြို့နှင့်ပတ်သက်၍ ကောင်စစ်ဝန်ချုပ်၏ အတွေ့အကြုံများ၊ ကောင်စစ်ဝန်ချုပ်ရုံးလုပ်ငန်း ဆောင်ရွက်မှုအခြေအနေများ၊ ချုံချင့်မြို့၏ နိုင်ငံတကာဆက်ဆံရေးအခြေအနေ၊ မြန်မာနိုင်ငံနှင့် ချုံချင့်မြို့အကြား ပူးပေါင်းဆောင်ရွက်မှုများ တိုးမြှင့်လုပ်ဆောင်နိုင်ရေးကိစ္စရပ်များ နှင့်ပတ်သက်၍ သတင်းဌာန၏ မေးမြန်းမှုများကို ဖြေကြားခဲ့သည်။
တွေ့ဆုံမေးမြန်းမှုအစီအစဉ်ကို ချုံချင့်နေ့စဉ်သတင်းဌာန၏ Website တွင် ရုပ်သံအဖြစ် ထုတ်လွှင့်ပြသသွားမည်ဖြစ်ပြီး၊ ချုံချင့်နေ့စဉ်သတင်းဌာနမှ ထုတ်ဝေမည့် စာစောင်တွင်လည်း ဆောင်းပါးအဖြစ် ထည့်သွင်း ဖော်ပြသွားမည်ဖြစ်ကြောင်း သိရသည်။
#News
No comments:
Post a Comment