ပဲခူး ၊ ဧပြီ ၂၄
ရှေးဦးစွာ ဘုရားအမှူးပြုသော သံဃာတော်အပါး (၅၀၀) အား အများပေါင်းစု ကောင်းမှုကုသိုလ်တို့ဖြင့် ဆွမ်းဆန်စိမ်းလောင်းလှူပူဇော်ပွဲ ကျင်းပပြုလုပ်ခဲ့ရာ ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်းနှင့်ဇနီး ဒေါ်စိုးစိုးသက်၊ တိုင်းဒေသကြီး တရားလွှတ်တော် တရားသူကြီးချုပ်၊ အစိုးရအဖွဲ့ဝင် ဝန်ကြီးများနှင့် ၎င်းတို့၏ဇနီးများ၊ ဥပဒေချုပ်၊ အစိုးရအဖွဲ့အတွင်းရေးမှူး၊ တိုင်းဒေသကြီး/ခရိုင်/ မြို့နယ်အဆင့် ဌာနဆိုင်ရာများ၊ လူမှုရေး အသင်းအဖွဲ့များနှင့် စေတနာရှင် အလှူရှင်များက ပဲခူးမြို့နယ်အတွင်း ကျောင်းတိုက် အသီးသီးရှိ သံဃာတော်အရှင်သူမြတ်အပါး (၅၀၀) အား ဆွမ်းဆန်နှင့် လှူဘွယ်ဝထ္တုပစ္စည်းများအား စေတနာသဒ္ဒါထက်သန်စွာဖြင့် လောင်းလှူပူဇော်ကြကြောင်း သိရသည်။
ပဲခူးမြို့၊ ဆုတောင်းပြည့်ရွှေမော်စေတီတော်မြတ်ကြီး၏ (၂၆၀၆) နှစ်မြောက် ဗုဒ္ဓပူဇနိယ ပွဲတော်ကြီးအား တန်ခူးလဆန်း (၁၀) ရက်နေ့မှ တန်ခူးလပြည့်ကျော် (၄) ရက်နေ့အထိ ဧပြီလ (၁၈) ရက်နေ့မှ ဧပြီလ (၂၇) ရက်နေ့အထိ (၁၀) ရက်တိုင်တိုင် ကျင်းပပြုလုပ်လျက်ရှိပြီး တန်ခူးလဆန်း (၁၄) ရက်၊ ဧပြီလ(၂၂)ရက်နေ့ နံနက်ပိုင်းအချိန်တွင် အနေကဇာတင်ခြင်းနှင့် တစ်နေ့တာ ပဋ္ဌာန်းရွတ်ဖတ်ပူဇော်ခြင်း ပြုလုပ်ခဲ့သည့်အပြင် တန်ခူးလပြည့်နေ့၊ ဧပြီလ (၁၅) ရက်နေ့နံနက်ပိုင်း အချိန်ကလည်း ဆွမ်းတော်ကြီးတင်လှူပူဇော်ခြင်းပြုလုပ်ခဲ့ပြီးဖြစ်ကြောင်း သိရသည်။
ပဲခူးတိုင်းဒေသကြီးအစိုးရအဖွဲ့မှ ဦးဆောင်၍ ပဲခူးမြို့၊ ဆုတောင်းပြည့် ရွှေမော်ဓောစေတီတော်မြတ်ကြီး၏ (၂၆၀၆) နှစ်မြောက် ဗုဒ္ဓပူဇနိယပွဲတော်အဖြစ် သံဃာအပါး (၅၀၀) ဆွမ်းဆန်တော်လောင်းလှူပူဇော်ပွဲ၌ တိုင်းဒေသကြီးအဆင့် ဌာနဆိုင်ရာများ၊ မြို့မိ/ မြို့ဖများ၊ လူမှုရေးအသင်းအဖွဲ့များ၊ စေတနာရှင်ပြည်သူများမှ စုစုပေါင်း၍ ဝတ္တုနှင့် လှူဖွယ်ပစ္စည်းတန်ဖိုးကျပ်သိန်း(၈၇၇)ကျော် လောင်းလှူပူဇော်ခဲ့ကြကြောင်း သိရသည်။
သက်ဖြိုးကြိုင်
https://t.me/MyanmarNationalPost
No comments:
Post a Comment