မိုင်းရယ် ၊ မေ ၂၄
၂၀၂၄-၂၀၂၅ ပညာသင်နှစ် မိုင်းရယ်မြို့နယ်ရှိ အခြေခံပညာကျောင်းများတွင် ကျောင်းသား/သူများ ကျောင်းစတင်အပ်နှံခြင်းကို ယမန်နေ့နံနက်ပိုင်းမှစ၍ လက်ခံဆောင်ရွက်နေပြီဖြစ်ကြောင်း အခြေခံပညာကျောင်းများမှ သိရသည်။
အခြေခံပညာကျောင်းများ ကျောင်းအပ်နှံရေး သီတင်းပတ်ကာလကို ယနေ့မှစ၍ လကုန်ရက်အထိ သတ်မှတ်ထားပြီး မြို့နယ်ရှိ အခြေခံပညာကျောင်းများတွင် ကျောင်းသားမိဘများ၊ ကျောင်းသား/သူများက ကျောင်းအပ်နှံခြင်းကို စိတ်လက်တက်ကြွစွာ ဆောင်ရွက်လျက်ရှိသည်။ ထို့ပြင် ဆရာ/မများက ကျောင်းနေအရွယ်ကလေးအားလုံး အခြေခံပညာသင်ယူဖို့ ကျောင်းအပ်နှံကြပါစို့ ဟူသည့် ဆောင်ပုဒ်အတိုင်း ကျောင်းအပ်နှံရေး အသိပညာပေး ဆောင်ရွက်ခဲ့ကြကြောင်း သိရသည်။
မိုင်းရယ်မြို့နယ်တွင် အထက(၃) ကျောင်း၊ အလယ်တန်း(၃၆)ကျောင်း၊ မူလတန်း (၆၃)ကျောင်း အခြေခံပညာကျောင်းပေါင်း (၁၀၂)ကျောင်းတို့ဖြင့် ဖွင့်လှစ်သင်ကြားပေးသွားမည်ဖြစ်ကြောင်း သိရသည်။
မိုင်းရယ်
https://t.me/MyanmarNationalPost
No comments:
Post a Comment