မြို့သစ် ၊ ဇွန် ၂၆
မကွေးတိုင်းဒေသကြီး၊ မကွေးခရိုင်၊ မြို့သစ်မြို့ မြို့မစျေးအတွင်းရှိ ဆန်ဆိုင်များနှင့် မြို့ပေါ်ရပ်ကွက်များရှိ ဆန်ဆိုင်များသတ်မှတ်စျေးနှုန်းနှင့်အညီ ရောင်းချမှု ရှိ/မရှိ ဌာနဆိုင်ရာများမှ ယမန်နေ့နံနက်ပိုင်းက ကွင်းဆင်းစစ်ဆေးခဲ့သည်။
ထိုသို့ ကွင်းဆင်းစစ်ဆေးရာတွင် မြို့နယ်အထွေထွေအုပ်ချုပ်ရေးဦးစီးဌာန၊ မြို့စည်ပင်သာယာရေးအဖွဲ့၊ မြို့နယ်မီးသတ်တပ်ဖွဲ့တို့မှ တာဝန်ရှိစုပေါင်းအဖွဲ့သည် မြို့သစ်မြို့အတွင်းရှိ ဆန်ဆိုင်များအား သတ်မှတ်စျေးနှုန်းနှင့်အညီ ရောင်းချမှု ရှိ/မရှိ စစ်ဆေး၍ ရည်ညွှန်းစျေးနှုန်းဖြင့် ရောင်းချသွားရန်၊ စျေးနှုန်းကဒ်ထားရှိခြင်းမရှိသည့်ဆိုင်များအား စျေးနှုန်းကဒ်ထားရှိရန်နှင့် မြို့သစ်မြို့နယ်အတွင်း ဆန်စက်များမှ ဆန်ဝယ်ယူခဲ့သည့် ဘောင်ချာများတွင် ရည်ညွှန်းစျေး မှန်ကန်ခြင်း ရှိ/မရှိတို့အား စိစစ်ဆောင်ရွက်ခဲ့ကြကြောင်း သိရသည်။
https://t.me/MyanmarNationalPost
No comments:
Post a Comment