အာဖဂန်ကို ဝင်တုန်းက ယူကေစစ်သားတွေ လူသတ်လိုင်စင်ရခဲ့တယ်လို့ ဆို

ဇန်နဝါရီ - ၁၀ ( သောကြာနေ့ ) 

အကြမ်းဖက်မှုနှိမ်နင်းရေးနဲ့ပတ်သက်ပြီး အာဖဂန်နိုင်ငံကို အနောက်အုပ်စုအပါအဝင် နိုင်ငံတော်တော်များများက စစ်တပ်တွေ စစ်ဆင်ရေးလုပ်ခဲ့ပါတယ် ။ အဲ့ဒိအထဲမှာ ယူကေ SAS အထူးတပ်ဖွဲ့ပါဝင်ခဲ့ပါတယ်။ အကြမ်းဖက်သမားလို့ ယူဆရတဲ့မည်သူ့ကိုမဆို သတ်ပစ်ရန်အတွက် အဲ့ဒိအဖွဲ့ကို အစိုးရက လူသတ်လိုင်စင် ( ရွှေရောင်လက်မှတ် ) ထုတ်ပေးခဲ့တယ်လို့ စစ်သားဟောင်းတစ်ဦးက လူသိရှင်ကြား စုံစမ်းမေးမြန်းမှုတစ်ခုမှာ ပြောကြားခဲ့ပါတယ်။ 

ရွှေရောင်လက်မှတ်ဆိုတာ စစ်ဆင်ရေးနယ်မြေအတွင်းမှာ လက်နက်ကိုင်ဆောင်နိုင်တဲ့ အရွယ်မှန်သမျှကို အကြမ်းဖက်သမား ၊ အရပ်သား မခွဲခြားဘဲ သတ်ဖြတ်ခွင့်ပြုထားတာကို ဆိုလိုတာပါ။ အဲ့ဒိခွင့်ပြုချက်က သတ်ဖြတ်မှုကြောင့် နောက်ကြောင်းပြန် အရေးယူမှုမရှိစေရဆိုတဲ့ သဘောတူညီမှုပဲ ဖြစ်ပါတယ်။ 

ဗုဒ္ဓဟူးနေ့က ထုတ်ပြန်ခဲ့တဲ့ စစ်သားနဲ့ တပ်မှူးခုနစ်ဦးရဲ့ သက်သေထွက်ဆိုချက်တွေဟာ အာဖကန်က ဟယ်မန် ပြည်နယ်မှာ ၂၀၁၀ မှ ၂၀၁၃ ခုနှစ်အတွင်း SAS အပါအဝင် UK အထူးတပ်ဖွဲ့တွေရဲ့ လုပ်ဆောင်မှုအပေါ် စုံစမ်းစစ်ဆေးမှုရဲ့ တစ်စိတ်တစ်ပိုင်းဖြစ်ပါတယ်။ 

"ဒီစစ်ဆင်ရေးအတွင်းမှာ 'တိုက်ခိုက်နိုင်တဲ့ အသက်အရွယ် အမျိုးသားတွေ အားလုံးကို ပစ်မှတ်ထားပြီး သတ်ပစ်မယ်' လို့ ပြောခဲ့ပြီး အဲဒီထဲမှာ လက်နက်မကိုင်ဆောင်ထားသူတွေလည်း ပါဝင်ပါတယ်" လို့ N1799 ဟုသာ သိကြသည့် စစ်သားတစ်ဦးက စုံစမ်းမေးမြန်းမှုကို ပြောကြားခဲ့ပါတယ်။ 

စစ်သည်အချို့သည် ၎င်းတို့၏ လုပ်ဖော်ကိုင်ဖက်များ၏ အပြုအမူနှင့် ပတ်သက်၍ စိုးရိမ်ပူပန်မှုများ ရှိလာသည်ဟု စုံစမ်းမေးမြန်းမှုတွင် ပြောကြားခဲ့ပါတယ်။  New York Times သတင်းဌာန မှဖော်ပြချက်တစ်ခုမှာတော့ SAS ယူနစ်များသည် အာဖဂန်တိုက်ခိုက်ရေးသမားများကို သတ်ရန်ခွင့်ပြုသည့် ဖြစ်စဉ်များကို ထုတ်လုပ်ခြင်းရှိမရှိ အီးမေးလ်တစ်စောင်တွင် စစ်သားတစ်ဦးမှ မေးခွန်းထုတ်ခဲ့ပြီး အခြားအရာရှိတစ်ဦးက “ဒီအာဖဂန်တွေဟာ သူတို့သေဖို့ထိုက်တန်လွန်အောင်ကို မိုက်မဲလွန်းပါတယ်” လို့ ပြန်ဖြေခဲ့ပါတယ်။  ဘီဘီစီက ဖော်ပြချက်တစ်ခုမှာ တော့ အခြားကွန်မန်ဒိုဟောင်းတစ်ဦးက အထူးတပ်ဖွဲ့တွင် “လူသတ်ခြင်းမှ လွတ်မြောက်ရန် ရွှေရောင်လက်မှတ်” ပါရှိကြောင်း ပြောကြားခဲ့ပါတယ် ။  Reuters ၏အဆိုအရ လူသတ်မှုကို ကိုယ်တိုင်မြင်တွေ့ခဲ့ရကြောင်း ထွက်ဆိုခဲ့သည့် စစ်သားတစ်ဦးမှ ပြောကြားခြင်းမရှိပါ။

ဆယ်စုနှစ် နှစ်ခုကြာ တာလီဘန် သောင်းကျန်းမှု အပြီးတွင် ဗြိတိန် တပ်ဖွဲ့ဝင်များနှင့် အခြား အနောက်တိုင်း တပ်ဖွဲ့ဝင်များသည် အာဖဂန်နစ္စတန်မှ ထွက်ခွာသွားခဲ့သည်။ ယူကေသည် အာဖဂန်နစ္စတန်ကို တိုက်ခိုက်ခဲ့စဉ် အတွင်း စစ်သား ၄၅၇ ဦး ဆုံးရှုံးခဲ့ရပါတယ်။ 

REF - RT

Join - https://t.me/MyanmarNationalPost