ပေါင်၊ ဧပြီ ၁၆
မွန်ပြည်နယ်၊ ပေါင်မြို့နယ်၊ ကဒါရပ်ကွက်၊ ကမ္ဘာအေးစေတီ ရာမညဓမ္မသာလာမွန်ဓမ္မာရုံတွင် (၄၀)ကြိမ်မြောက် သက်ကြီးပူဇော်ပွဲကို ယနေ့ (မဟာသင်္ကြန်အတက်နေ့) နံနက်(၉)နာရီက ကျင်းပပြုလုပ်ခဲ့ကြောင်း သိရသည်။
သက်ကြီးပူဇော်ကန်တော့ပွဲတွင် ရှေးဦးစွာ သံဃာတော်များအား အာရုံဆွမ်းဆက်ကပ်လှူဒါန်းခြင်း၊ တရားတော်များနာယူကာ လှူဖွယ်များ ဆက်ကပ်လှူဒါန်းခြင်းတို့ ပြုလုပ်ခဲ့ပြီး ကဒါရပ်ကွက်အတွင်းရှိ အသက် ၈၀ နှစ်အထက် ဘိုးဘွား(၁၅၂)ဦးတို့အား သက်ကြီးပူဇော်ပွဲကျင်းပရေးကော်မတီ က စုပေါင်းကာ အလှူငွေများ လှူဖွယ်ပစ္စည်းများဖြင့် ပူဇော်ကန်တော့ကြသည်။
ယင်းနောက် ငွေသားများအပါအဝင်၊ စတီးဒရင်းဘတ်၊ ဆန်အိတ်ကြီး၊ ဂွမ်းစောင်၊ ငါးဆင့်ချိုင့်၊ ထီး၊ ဓာတ်ဗူး၊ ဖိနပ် အစရှိသည့် အသုံးအဆောင်ပစ္စည်းများကို စာရေးတံမဲဖောက်ကာ ဘိုးဘွားများအား ပျော်ရွှင်စွာ လှူဒါန်းပေးခဲ့ကြကြောင်း သိရသည်။
မွန်မလေး
https://t.me/MyanmarNationalPost
No comments:
Post a Comment