ရုရှား - ယူကရိန်း ငြိမ်းချမ်းရေး အတွက် နောက်ထပ် ရက် ၁၀၀ အချိန်ယူရဦးမယ်လို့ ဆို

မေ - ၂ ( သောကြာနေ့ ) 

ထရမ့်အစိုးရသည် ရုရှားနှင့် ယူကရိန်းကြား ငြိမ်းချမ်းရေးသဘောတူညီချက်ကို ကြားဝင်ဖျန်ဖြေရန် နောက်ထပ် ရက် ၁၀၀ အချိန်ယူရန် ပြင်ဆင်ထားကြောင်း အမေရိကန်ဒုတိယသမ္မတ ဂျေဒီဗန့်စ်  က ဗုဒ္ဓဟူးနေ့ထုတ် Fox News အင်တာဗျူးတစ်ခုတွင် ပြောကြားခဲ့ပါတယ်။ ပဋိပက္ခဖြေရှင်းရေးအတွက် နှစ်ဖက်စလုံးက ၎င်းတို့၏ အကြံဉာဏ်များကို တင်ပြနိုင်ခြင်းဖြင့် တိုးတက်မှု ရှိလာသည်ဟု ၎င်းက ဆိုသည်။

နိုင်ငံရေး ပျားရည်ဆမ်းကာလလို့ ခေါ်တဲ့ သမ္မတ ဒေါ်နယ်ထရမ့်ရဲ့  ဒုတိယသက်တမ်းပထမရက် ၁၀၀ ကိုသုံးသပ် ပြီး "ကျွန်ုပ်တို့ဒီပထမခြေလှမ်းကိုရပါပြီ" လို့ ဒုသမ္မတကပြောပါတယ်။ “ကျနော်တို့မှာ ငြိမ်းချမ်းရေး အဆိုပြုချက် ထုတ်ထားပြီးပြီ၊ ဒီလူတွေကို စုစည်းနိုင်ဖို့ လာမယ့် ရက်ပေါင်း ၁၀၀ ကျော်မှာ ပြင်းပြင်းထန်ထန် ကြိုးစားသွားမယ်”လို့ ပြောပါတယ်။ 

ထရမ့်အစိုးရ မတက်ခင်မှာ မော်စကိုနဲ့ ကိယက်ဗ် တို့ဟာ “တစ်ယောက်နဲ့တစ်ယောက် စကားမပြောဘဲ ရန်ဖြစ်နေကြတာပဲ”လို့ ဗန့်စ်က မှတ်ချက်ပြုခဲ့ပါတယ်။ “အခု သံတမန်ရေးအရ လုပ်ဆောင်တာက ဒီဘက်နှစ်ဘက် ပိုမိုနီးကပ်အောင် ကြိုးစားဖို့ပါပဲ၊” “ရုရှားတို့ လိုချင်တဲ့အရာနဲ့ ယူကရိန်းနိုင်ငံသားတွေ လိုချင်တဲ့အရာတွေကြားက အလွန်ကြီးမားတဲ့ ပင်လယ်ကွေ့ကြီးရှိနေပါတယ်”လို့ ဆိုပါတယ်။  

ပြီးခဲ့သည့်နှစ် ရွေးကောက်ပွဲမဲဆွယ်စည်းရုံးမှုအတွင်း ထရမ့်က အိမ်ဖြူတော်သို့ဝင်ရောက်ပြီး၂၄ နာရီအတွင်း ပဋိပက္ခကို အဆုံးသတ်မည်ဟု ကတိပြုထားတာရှိပါတယ်။ ဇန်နဝါရီလတွင် စတင်တာဝန်ယူခဲ့ပြီးကတည်းက အပစ်အခတ်ရပ်စဲရေးရရှိရန် နှစ်ဖက်စလုံးကို ဖိအားများပေးခဲ့ပြီး တိုးတက်မှုမရှိခြင်းကြောင့် မကြာသေးမီက စိတ်ပျက်လက်ပျက် ဖြစ်ခဲ့ရပါတယ်။

သမ္မတဟောင်း ဂျိုးဘိုင်ဒင်၏ အုပ်ချုပ်ရေးထက် ၎င်း၏ ရပ်တည်ချက်ကို ပိုမိုနားလည်သည့်အတွက် ရုရှားက ထရမ့် နှင့် ၎င်း၏အစိုးရအဖွဲ့အား ချီးကျူးသော်လည်း ကျယ်ကျယ်ပြန့်ပြန့် အပစ်အခတ်ရပ်စဲရေးတွင် ယူကရိန်ကို စည်းရုံးသိမ်းသွင်းမှု မပြုနိုင်ဘူးဖြစ်နေပါတယ်။ ယူကရိန်းကို နိုင်ငံခြားတိုင်းပြည်များမှ လက်နက်များ ပေးပို့ခြင်းကို ရပ်တန့်နိုင်မှရမည်ဟု မော်စကိုက အခိုင်အမာ ပြောကြားထားပါတယ်။

မော်စကိုအစိုးရကတော့ ခရိုင်းမီးယားနှင့် အခြားဒေသ လေးခုအား ယူကရိန်းက ပြန်တောင်းဆိုမှုကို စွန့်လွှတ်ရန်နှင့် ၎င်း၏ နေတိုးရဲ့ စစ်ရေး ရည်မှန်းချက်များကို စွန့်လွှတ်ရန် တောင်းဆိုထားပါတယ်။

REF: RT

https://t.me/MyanmarNationalPost