မေ - ၂၄ ( စနေနေ့ )
ဟမ်းဘတ်မြို့လယ်ရှိ ရထားဘူတာရုံတွင် သောကြာနေ့က ဓားဖြင့်တိုက်ခိုက်ခံရမှုကြောင့် လူအများအပြား ဒဏ်ရာရခဲ့ကြောင်း ဒေသဆိုင်ရာရဲတပ်ဖွဲ့က ပြောကြားခဲ့ပါတယ်။ အခင်းဖြစ်ပွားရာနေရာမှာ အသက် ၃၉ နှစ်အရွယ် အမျိုးသမီးတစ်ဦးကို ဖမ်းဆီးရမိခဲ့ပါတယ်။
အဆိုပါ ဖြစ်စဉ်ကို ဘူတာရုံ နားနေဆောင် အပြင်ဘက် ပလက်ဖောင်းပေါ်တွင် စောင့်ဆိုင်းနေသည့် ရထားတစ်စီးအနီးတွင် ညနေ ၆ နာရီ ၅ မိနစ်ခန့်တွင် ဖြစ်ပွားခဲ့ကြောင်း သိရသည်။
လူ ၁၂ ဦးထက်မနည်း ဒဏ်ရာရခဲ့ကြောင်း ဒေသတွင်း မီဒီယာများက ဖော်ပြခဲ့သော်လည်း ရဲတပ်ဖွဲ့က ကိန်းဂဏန်းကို မဖော်ပြသေးပေ။ ဒဏ်ရာရသူအချို့သည် ဘူတာရုံရှိ ရထားပေါ်တွင် ကုသမှုခံယူနေရကြောင်း Bild သတင်းဌာနက ဆိုပါတယ်။
“ဒဏ်ရာရသူအရေအတွက်နဲ့ ပတ်သက်ပြီး အတည်မပြုနိုင်သေးတဲ့ ကိန်းဂဏန်းတွေတော့ မရှိသေးပါဘူး” ဟု ဟမ်းဘတ်ရဲတပ်ဖွဲ့က X လူမှုကွန်ယက်တွင် တွင် ပြောကြားခဲ့ပါတယ်။ သို့သော်လည်း လူအများအပြားသည် အသက်အန္တရာယ်အထိ ခြိမ်းခြောက်ခံခဲ့ရကြောင်း သတင်းရရှိပါတယ်။
အစောပိုင်းတွေ့ရှိချက်များအရ သံသယရှိသူသည် တစ်ဦးတည်း လုပ်ဆောင်ခဲ့ကြောင်း ရဲတပ်ဖွဲ့က ပြောကြားခဲ့သည်။ အကြောင်းရင်းကို ရှင်းရှင်းလင်းလင်း မသိရသေးပါ။ အဆိုပါ နယ်မြေအတွင်း ရဲတပ်ဖွဲ့ဝင်များ အကြီးစား စစ်ဆင်ရေး ဆောင်ရွက်လျက်ရှိပါတယ် ။ အာဏာပိုင်များက အခြေအနေများကို စုံစမ်းစစ်ဆေးမှုများ ဆက်လက်လုပ်ဆောင်နေပြီး အသေးစိတ်အချက်အလက်များကို "မကြာမီ" မျှဝေသွားမည်ဖြစ်ကြောင်း ပြောကြားခဲ့ပါတယ်။
REF: RT
https://t.me/MyanmarNationalPost
No comments:
Post a Comment